Уведзеная Еўрасаюзам у лістападзе 2006 года забарона на правоз вадкасцей на борце самалётаў падоўжана да красавіка 2013 года.
Гэтае рашэнне прынята ў сувязі з затрымкай працэсу ўстаноўкі ў аэрапортах краін ЕС спецыяльных сканераў, якія дазваляюць вызначаць, ці ўтрымліваюць ёмістасці вадкую выбухоўку.
Новыя патрабаванні бяспекі, згодна з якімі пасажырам дазволена браць з сабой на борт самалёта
толькі ёмістасці, аб’ём якіх не перавышае 100 мілілітраў, распаўсюджваюцца на ўсе краіны ЕС, а таксама Ісландыю, Нарвегію і Швейцарыю.
Узмацненне патрабаванняў адбылося пасля прадухілення ў жніўні 2006 года паліцыяй Лондана серыі тэрактаў на авіярэйсах. Тэрарысты тады мелі намер пранесці на борт лайнераў вадкую выбухоўку ў пітных ёмістасцях.
Каментары