У Беларусі ўпершыню выявілі заражанага новым варыянтам ковіда ХЕС
Гэты варыянт каранавіруса гуляе па Еўропе з лета.
Варыянт каранавіруса ХЕС знайшлі ў аднаго з пацыентаў па выніках тэсту ў лабараторыі НДІ гігіены, таксікалогіі, эпідэміялогіі, вірусалогіі і мікрабіялогіі Рэспубліканскага цэнтра гігіены, эпідэміялогіі і грамадскага здароўя.
Пра гэта расказала галоўная санітарная доктарка краіны Святлана Нячай. Падрабязнасці заражэння новым варыянтам каранавіруса Міністэрства аховы здароўя не паведамляе.
Варыянт каранавіруса ХЕС упершыню быў выяўлены ў Германіі ў чэрвені 2024 года, з тых часоў ён распаўсюдзіўся па Еўропе. Гэта гібрыд двух варыянтаў штаму амікрон, якія цыркулявалі раней. Асаблівасць ХЕС у тым, што ён лепш звязваецца з клеткамі чалавека.
Сімптомы ХЕС мала чым адрозніваюцца ад іншых штамаў — у асноўным, гэта павышэнне тэмпературы, боль у горле і целе.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары