Магчымая прычына — каментары ў Telegram.
Па звестках праекта Digital intelligence team, Сяргею Горлаву 45 гадоў. Ён вучыўся ў Мінскім дзяржаўным лінгвістычным універсітэце, пазней скончыў Еўрапейскі гуманітарны ўніверсітэт. Працаваў перакладчыкам і рэпетытарам англійскай мовы. Апошняе вядомае месца ягонай працы — Інстытут імя Сахарава ў Мінску.
Хобі Сяргея — музыка. У нулявых ён граў у гурце «Лясное радыё». Удзельнічаў яшчэ ў некалькіх праектах, перакладаў на беларускую мову іншамоўныя песні. Адна з апошніх яго прац — пераклад песні Боба Дылана. У кліпе на яе паўдзельнічалі многія вядомыя музыкі — Піт Паўлаў, Зміцер Вайцюшкевіч і іншыя.
Сяргея затрымалі ў лютым 2024 года. Спачатку яму далі суткі за «распаўсюд экстрэмісцкіх матэрыялаў», а пасля завялі крымінальную справу ды перавялі ў СІЗА.
Суд над Горлавым пачнецца 1 лістапада ў Мінскім гарадскім судзе. Яму закідаюць чатыры артыкулы — «садзейнічанне экстрэмісцкай дзейнасці» (ч. 1 і ч. 2 арт. 361-4 КК), «распальванне варожасці» (ч. 1 арт. 130 КК), «заклікі да санкцый» (ч. 3 арт. 361 КК) і «абраза Лукашэнкі» (ч. 1 арт. 368 КК). Сяргею пагражае ад чатырох да дванаццаці гадоў калоніі.
Магчыма, прычына — у каментарах у тэлеграме.
Судзіць яго будзе Алена Шылько. 51-гадовая Шылько палітычныя справы вядзе як мінімум з 2006-га. Яна асудзіла дзясяткі беларусаў па палітычна матываваных крымінальных справах, сярод якіх — выбітны мастак Алесь Пушкін, які памёр за кратамі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Мінск у сераду вечарам пагрузіўся ў цемру. Пасля загаду Лукашэнкі51
Мінск у сераду вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары