Яўген паказаў шчупака, якога выцягнуў у старым рэчышчы Дняпра: вага рыбіны — 14 кілаграмаў, даўжыня — 1,2 метра, піша Onliner.by.
Мяркуючы па Instagram беларуса, да такой здабычы ён ішоў доўга і цярпліва: з сярэдзіны лета Яўген рэгулярна выкладваў фота са шчупакамі меншымі.
«Вось гэта кракадзілы!» — захоплена пісалі яму ўжо тады, але рыбак запэўніваў каментатараў, што гэта не мяжа, і меў рацыю.
«Вырашыў паехаць на «стары» Дняпро без матора і рэхалота, па-старому.
У выніку атрымалася абхітрыць старажытную тоўстую прабабулю. Шчупак быў адпушчаны», — дзеліцца падрабязнасцямі мужчына.
Шчупак Яўгена хай і не рэкордны для Беларусі, але ў тройку самых буйных з вядомых дакладна трапляе. Самага вялікага на дадзены момант шчупака злавілі ў Слаўгарадскім раёне на рацэ Сож: яго дакладная вага склала 19 кілаграмаў 460 грамаў.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары