У некаторых жыхароў сталіцы вада з крана можа змяніць колер і стаць зялёнай, паведамляе «Мінскэнерга».
З 11 лістапада і да канца ацяпляльнага сезона ў сеткавую ваду трубаправодаў цеплавых сетак будзе дададзены спецыяльны фарбавальнік — флуарэсцеін. Ён абсалютна бяспечны для здароўя і дазволены да ўжывання згодна з патрабаваннямі Санэпіднагляду.
Афарбоўка вады патрэбна для хуткага выяўлення ўцечак і несанкцыянаванага выкарыстання цепланосьбіта, а таксама для праверкі герметычнасці воданагравальнікаў.
Закране гэты працэс жыхароў Ленінскага, Заводскага, Савецкага і Першамайскага раёнаў. Адрасы, якія трапляюць у зону ўводу ў сеткавую ваду флуарэсцеіну, можна знайсці на сайце «Минскэнерго».
Калі вы заўважыце афарбаваную ваду ў сістэмах гарачага водазабеспячэння або ўцечку зялёнага адцення, паведаміце: 298-27-47; 298-27-27; 298-27-37, — адзначаюць спецыялісты.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары