Акруга штата Каліфорнія выплаціць сям'і Лонг 300 тысяч даляраў за забойства любімага козліка іх дачкі, піша Расійская служба Радыё Свабода.
Пра такую суму бакі дамовіліся ў рамках міравой дамовы. У 2022 годзе, у рамках маладзёжнага кірмашу, сямігадовая дачка Лонг павінна была вырасціць казляня па імені Кедр і прадаць яго на аўкцыёне. Аднак дзяўчынка прывязалася да жывёлы і не хацела аддаваць яго на забой.
Яе маці, Джэсіка Лонг, паспрабавала выкупіць казляня ў арганізатараў кірмашу, але тыя адмовіліся і пагражалі крымінальнай справай, пасля чаго звярнуліся ў паліцыю. Паліцыянты выкралі козліка і даставілі яго назад на кірмаш.
Там Кедра прадалі за 902 даляры — паведамляецца, што такую цану за яго прапанаваў сенатар Каліфорніі ад Рэспубліканскай партыі Браян Дэйл. Яго прадстаўнікі сказалі сям'і Лонг, што «не будуць перашкаджаць іх спробам выратаваць казляня ад бойні». Тым не менш, Кедра забілі.
Джэсіка Лонг падавала ў суд на акругу і паліцыянтаў, абвінавачваючы іх у парушэнні канстытуцыйных правоў яе дачкі, а таксама ў вобшуках і выкраданні жывёлы без ордара. Нягледзячы на міравую дамоўленасць з акругай, судовы працэс адносна іншых удзельнікаў справы працягваецца.
Кавід забраў у Беларусі 90 тысяч жыццяў, а не 7 тысяч, як сцвярджалі ўлады14
Каментары