Беларусам стане складаней ехаць на заробкі ў Літву. Там змяніліся правілы падачы на ДНЖ
З 1 снежня змяніліся ўмовы для падачы заявы на атрыманне літоўскага ДНЖ праз знешніх пастаўшчыкоў паслуг. Гэта закране і беларусаў.
Было складана, а стала яшчэ складаней
Нягледзячы на тое, што ў самой Беларусі нельга зрабіць літоўскі ДНЖ праз знешняга пастаўшчыка паслуг (VFS Global), грамадзяне Беларусі мелі магчымасць падавацца ў іншых краінах. Напрыклад, Грузіі, Казахстане ці Кыргызстане.
Але з 1 снежня правілы змяніліся. Цяпер звяртацца ў VFS Global па літоўскі ДНЖ змогуць толькі грамадзяне краіны, у якой знаходзіцца аддзяленне знешняга пастаўшчыка паслуг.
Грамадзяне трэціх краін, дзе няма аддзялення знешняга пастаўшчыка паслуг, змогуць падаваць прашэнне на атрыманне часовага ДНЖ у Літве толькі ў некаторых выпадках:
- калі яны плануюць прыехаць у Літву на падставе ўз'яднання сям'і;
- яны едуць у Літву працаваць як высокакваліфікаваныя спецыялісты (Blue Card);
- запрашаюцца для навучання ў навуковых і адукацыйных установах Літвы.
Як і дзе беларусу атрымаць ДНЖ Літвы?
За выключэннем вышэй акрэсленых выпадкаў, грамадзяне Беларусі могуць падаваць заяву на атрыманне ДНЖ толькі на тэрыторыі самой Літвы.
Нагадаем, з 1 ліпеня, за некаторымі выключэннямі, іншаземцы могуць працаўладкавацца ў Літве толькі пасля атрымання часовага ДНЖ.
Да 1 ліпеня 2024 года іншаземцы з трэціх краін маглі пачаць працаваць без літоўскага ДНЖ. Для гэтага дастаткова было мець візу або ДНЖ іншай краіны ЕС, якія дазвалялі легальна знаходзіцца ў краіне. Прыступіўшы адразу да працы, замежнік паралельна падаваўся на атрыманне ДНЖ на падставе працы.
Былая дэпутатка Марыя Васілевіч сабралася замуж ФОТА12
Каментары