Новы міністр культуры распарадзіўся здымаць фільмы пра вайну і сялян. І паабяцаў прарыўнае кіно
Руслан Чарнецкі возьмецца за кінематограф, які Лукашэнка назваў ганьбай.
Новы міністр культуры і акцёр Руслан Чарнецкі заявіў, што найважнейшым з мастацтваў з'яўляецца кіно.
Чыноўнік адзначыў, што перш за ўсё зоймецца менавіта гэтай справай, піша БелТА.
Чарнецкі акрэсліў, на якія тэмы неабходна здымаць кіно ў Беларусі. Адкрыццём гэта не стала.
«Перамога, тэма вайны — яна асаблівая. Яна заўсёды на асобным рахунку, і ў нас. Пра гэта трэба працягваць здымаць, і мы будзем гэта рабіць.
Таму што, як паказвае вопыт, трошкі забывае народ. Беларусы не вельмі забываюць, а іншыя народы, бывае, забываюць, і трэба ім пра гэта нагадваць», — заявіў міністр.
Акрамя таго, Чарнецкі прапанаваў здымаць фільмы пра сялян.
«Думаю, гледачу нашаму будзе вельмі цікава. Я заўсёды з вельмі вялікай пашанай, павагай і ўдзячнасцю ставіўся да нашых працаўнікоў: сялян, рабочых на заводах, простых работнікаў… Вельмі хацелася б расказаць пра працу гэтых людзей. Яны маюць патрэбу ў тым, каб пра іх расказвалі нашаму гледачу», — мяркуе чыноўнік.
Акрамя таго, Чарнецкі паабяцаў беларускае кіно, якое «сапраўды прагрыміць». Паводле яго слоў, Беларусь рыхтуе «прарыўны кінапраект», аднак ніякіх дэталяў міністр раскрываць не стаў.
«Давайце без спойлераў. Але тым не менш такія намёткі ўжо ёсць. Вядуцца работы, ужо ёсць у распрацоўцы праект, які сапраўды прагрыміць. І гэта будзе прарыў», — адзначыў Чарнецкі.
Прызначаючы акцёра на пасаду міністра культуры, Аляксандр Лукашэнка назваў тое, што адбываецца ў беларускім кіно, ганьбай.
«Мы з вамі не па чутках ведаем, што такое культура ў нашай краіне». Што гаварылася на прадстаўленні новага міністра культуры
«Будзе здымаць маштабныя праекты з сабой у галоўнай ролі». Што думаюць пра новага міністра культуры Чарнецкага яго калегі?
Афіцыянт, танцор у Тайландзе, ролі ў «Мухтары» і «Сватах». Пяць фактаў пра новага міністра культуры Чарнецкага
Міністра па падатках адправілі ў Магілёў на новую пасаду
Экс-міністра Карлюкевіча знялі з пасады галоўнага рэдактара газеты «Звязда»
Пратасевіч ездзіў да Бабарыкі ў калонію некалькі разоў3
Каментары