Лукашэнка: Тое, што адбываецца ў беларускім кінематографе, гэта проста ганьба
Тое, што сёння адбываецца ў беларускім кінематографе, гэта проста ганьба і недапушчальна. Аб гэтым Аляксандр Лукашэнка заявіў 2 снежня, прызначаючы Руслана Чарнецкага новым міністрам культуры.
«З усіх мастацтваў для нас найважнейшым з'яўляецца кіно. І тое, што адбываецца ў нашым кінематографе, гэта проста ганьба. Гэта недапушчальна. Мы скаціліся, мы сталі горш выглядаць да таго савецкага перыяду, калі надавалі сур'ёзную ўвагу кінематографу.
Не скажу, што мы ў гэтым не зацікаўлены, але чамусьці ўсе жадаюць мець грошы, але на выхадзе не жадаюць пагадзіцца з тым, што трэба мець добры фільм, карціну добрую. Звярніце на гэтую самую сур'ёзную ўвагу», — даручыў Лукашэнка.
Новы міністрам культуры Руслан Чарнецкі, фільмаграфія якога налічвае 118 серыялаў і фільмаў — пераважна ў другасных ролях, адказаў, што працягне сваю працу акторам і мае намер вельмі шчыльна і сур'ёзна заняцца пытаннямі кінематографа.
«Па-першае, я — артыст. І нікуды гэта ад мяне не дзенецца. Той глядач, якому я важны на сцэне, які мяне любіць, як ён можа мяне страціць?!»
Лукашэнка таксама дадаў, што рашэнне прызначыць новага міністра культуры не было звязана з тым, што Анатоль Маркевіч, які займаў гэту пасаду, не справіўся са сваімі абавязкамі.
«Гэты чалавек з іншай сферы, і я спецыяльна накіроўваў туды чалавека з іншай сферы. Я яму не зайздрошчу: яму было вельмі цяжка. Таму я ўсё ж вяртаюся да таго, што гэта павінен быць «іх чалавек», як кажуць, са сферы культуры. Вам гэта ўсё знаёма.
Вы вельмі патрыятычны, надзейны чалавек. Спадзяюся, вы справіцеся з гэтай працай. Проста па-мужчынску хачу сказаць: у цябе, Руслан, іншага шляху няма. Або памерці, або навесці парадак у гэтай сферы», — сказаў Лукашэнка.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
...
выкладчыца па этыцы казала: "я з жахам слухаю яго гэтае пра парадак, бо адразу ўзгадваю Гітлера, які тое самае казаў"... а казала яна гэта яшчэ ў мінулым тысячагоддзі, то бок да 2000