Былая жонка Камісаранкі: Я працавала ў масажным салоне эратычнага характару
Былая жонка коміка Славы Камісаранкі Юлія Шашкова расказала пра сваю працу ў Маскве.
Юлія Шашкова ў інтэр'ю ютуб-каналу «Нежный редактор» расказала, што на момант, калі яна пазнаёмілася са Славам Камісаранкам, яна ўжо тры гады жыла ў Маскве. Спачатку працавала візажыстам, а пасля — у масажным салоне.
«Гэта быў масажны салон эратычнага характару. (…) Гэта было як бы пазменна: перыядычна адміністратарам, перыядычна — не. Гэта не які-небудзь бардэль. Думаю, усе ведаюць, што гэта такое», —
гаворыць дзяўчына і заўважае, што ў такое месца працы яна трапіла, яшчэ калі жыла ва Украіне.
«Я паступіла ва ўнівер пасля школы. Мяне некуды панесла. Я вырвалася з бацькоўскага дому. Потым, адпаведна, мая вучоба з'ехала ўніз. І мая маці сказала: «А давай ты, мілая, сама неяк далей. Я табе буду аплачваць вучобу — бо я вучылася на кантракце, — а на жыццё зарабляй сама».
Юлія згадвае, што ёй было 17 гадоў, калі яна пачала працаваць. Спачатку раздавала ўлёткі, пазней працавала афіцыянткай, у турыстычным агенцтве.
«Гэтага было недастаткова для таго ўзроўню жыцця, які мне хацелася мець», — заўважае Юля і пазней дадае, што асноўным матывам для тых, хто ідзе працаваць у такія ўстановы, з'яўляюцца грошы.
«У тых жа масажных салонах вельмі шмат дзяўчат было, у якіх дзеці, і яны спрабавалі такім чынам [зарабіць]. Я бы сказала, што вельмі мала дзяўчат, якія хочуць проста сабе Біркін (мадэль жаночай сумкі гандлёвай маркі французскага дома моды Hermès — НН) купіць. Большасць — у якіх сапраўды цяжкая сітуацыя. Я не гавару, што гэта іх апраўдвае і яна павінны гэта рабіць. Не. Гэта недахоп упэўненасці ў сабе, недахоп веры ў сябе, што ты можаш нешта. (…)
Я праводзіла шмат часу ў гэтых масажных салонах. Я настолькі стамілася ў нейкі момант. Думаю: «Божа. Гэта не можа так болей працягвацца. Я баюся ўвогуле тут захраснуць, баюся тут правесці сваё жыццё. Я не хачу гэтага. Я хачу развівацца».
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх4
Каментары