Ваяру Інтэрнацыянальнага легіёна было 25 гадоў.
Пра смерць беларускага добраахвотніка Газа паведамілі яго сябры ў сацыяльных сетках. Па іх словах, ужо адбылося пахаванне.
Беларускі добраахвотнік Газ сустрэў пачатак поўнамаштабнай вайны ў Маскве. Там ён жыў з 16 гадоў, калі пераехаў да бацькі з роднага Наваполацка. У хлопца было і беларускае, і расійскае грамадзянства.
На момант пачатку вайны Газ працаваў камерцыйным дырэктарам па развіцці ў кампаніі аўтазапчастак. Ён адзначаў, што быў далёкім ад палітыкі, нават пра беларускія пратэсты-2020 ведаў толькі павярхоўна.
«Аднак жыць у Расіі стала невыносна: ваенная прапаганда была на кожным кроку», — расказваў Газ у вялікім інтэрв’ю «Люстэрку». У выніку ў жніўні 2022 года ён вярнуўся ў Беларусь. Жывучы ў Наваполацку, а пасля ў Мінску асэнсаваў сябе беларускім патрыётам. А ў канцы 2023 года канчаткова вырашыў ваяваць за Украіну.
Газ адправіў заяўку ў Інтэрнацыянальны легіён, бо не хацеў ісці ў Полк Каліноўскага — чытаў, што там не вельмі прыемнае кіраўніцтва.
Сям’я не падтрымала выбар хлопца. Бацька, грамадзянін Расіі, абарваў кантакты з ім. «Маці ў мяне беларуска, яна зрэагавала як самая звычайная маці. Казала, што гэта небяспечна, былі нейкія слёзы спачатку, а потым проста прыняцце. Зараз мы з ёй размаўляем, падымаем і такія тэмы, якія ёй раней цяжка даваліся. І ўсё добра. Бабуля казала, што я паехаў ваяваць за грошы выключна, цётка мяне таксама не падтрымала, сказала, што гэта няправільна», — казаў Газ.
Па стане на вясну 2024 года, калі Газ даваў інтэрв'ю «Люстэрку, ён ужо скончыў падрыхтоўчыя курсы і браў удзел у баявых аперацыях. У перапынку між імі вучыўся кіраванню FPV-дронамі.
«Адразу зразумеў: гэта маё. Я вельмі рады, што зрабіў такі выбар. Адзінае, аб чым шкадую, — што не паехаў ва Украіну раней», — казаў ён.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Праз пекла ён ўжо прайшоў.