У Швецыі каралеўскі гвардзеец паслізнуўся і выпадкова прабіў сабе галаву штыком
Пацярпелага аператыўна даставілі ў Каралінскую бальніцу Стакгольма, дзе яму правялі складаную шматгадзінную аперацыю.
Здарэнне адбылося раніцай ва ўнутраным двары палаца, піша BILD.
Лекары паведамілі, што стан салдата ўдалося стабілізаваць.
«Гэта быў няшчасны выпадак. Ён паслізнуўся, і яму проста не пашанцавала. Штык трапіў у галаву за вухам. Яго таварышы дзейнічалі ўзорна, адразу аказаўшы першую дапамогу», — распавёў прэс-сакратар арміі Швецыі Б’ёрн Ліндау.
Салдаты каралеўскай гвардыі нясуць службу з аўтаматычнымі вінтоўкамі, на якіх замацаваны штык-нож. Нягледзячы на здарэнне, змена каравула перад палацам адбылася ў 12:15, як і было запланавана.
Паліцыя пачала расследаванне, каб вызначыць, ці можна класіфікаваць гэты выпадак як вытворчы няшчасны выпадак.
Каментары