Блогер, на якога пісала даносы Вольга Бондарава, апублікаваў сумесны здымак з Колем Лукашэнкам
Пасля перыяду даносаў прарасійскіх актывістаў і забароны на выступы дзіцячы блогер-мільённік Дзім Дзімыч выйшаў на новы ўзровень прыстасавання да сітуацыі — цяпер ён апублікаваў сумеснае фота з сынам Аляксандра Лукашэнкі Мікалаем.
«Час выбраў нас», — падпісаў здымак Дзім Дзімыч.
Дзім Дзімыч стаў шырока вядомы па-за межамі сваёй аўдыторыі, дзякуючы даносам Вольгі Бондаравай і яе паплечнікаў. Яны вінавацілі блогера ў ЛГБТ-прапагандзе. Таксама Бондарава абуралася, што блогер апранаецца ў ружовае, а ў некаторых жартаўлівых роліках быў у сукенцы.
Пасля яе скаргаў з сайта «Еўраопта» знялі рэкламу з Дзім Дзімычам, а яго самога адправілі ў эфір да прапагандыста Рыгора Азаронка.
Пазней блогера-мільённіка выклікалі ў Міністэрства культуры. «Там мы паразмаўлялі наконт майго кантэнту, унеслі правільныя карэкціроўкі», — распавёў блогер у інстаграме.
Пасля даносаў Дзім Дзімычу забаранілі выступаць у школах. Ён падаваў у суд на Бондараву і, паводле яе слоў, прайграў яго.
Нядаўна стала вядома, што з Дзім Дзімычам, Саладухам і Ярмоленкам для Лукашэнкі запісалі песню «Надо!» Справа нават дайшла да спробы ўступлення ў лукашэнкаўскую партыю.
Цяпер Дзім Дзімыч ездзіць па перадвыбарчых агітацыйных лукашэнкаўскіх марафонах. Выглядае, там і быў зроблены здымак з Колем Лукашэнкам.
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары
Яны выдатна паказалі, што грошы для вас куды важнейшыя, чым гонар і годнасць.