Уладзімір Пуцін падпісаў указ аб правядзенні ў Расіі ў 2025 года музычнага конкурсу «Інтэрбачанне».
Міжнародную альтэрнатыву «Еўрабачанню» ў 2023 годзе прапанавала правесці расійская міністарка культуры Вольга Любімава. Чакалася, што ён адбудзецца ў 2024 годзе, але рукі да рэалізацыі ініцыятывы ў расійскіх уладаў дайшлі толькі цяпер.
Старшынёй арганізацыйнага камітэта конкурсу Пуцін прызначыў віцэ-прэм'ера расійскага ўрада Дзмітрыя Чарнышэнку. Мяркуецца, што конкурс правядуць у Маскве і Падмаскоўі.
Удзельнічаць у сапраўдным «Еўрабачанні» Расія страціла права ў 2022 годзе пасля нападу на Украіну, Беларусь жа страціла сяброўства ў Еўрапейскім вяшчальным саюзе ў 2021 годзе праз парушэнне правоў чалавека ў краіне пасля выбараў 2020 года.
Раней конкурс «Інтэрбачанне» праводзіўся ў 1965—1968 і 1977—1983 гадах. У 1965—1968-м ён праходзіў у розных гарадах Чэхаславакіі, у 1977—1983 — у польскім Сопаце. Удзел у ім бралі перадусім выканаўцы з краін сацыялістычнага лагера.
У 2008 годзе ў Расіі ўжо рабілі спробу адрадзіць гэты конкурс, але пасля яго разавага правядзення ў Сочы працягу ініцыятыва не атрымала.
На «Еўрабачанне» ад Ізраіля паедзе дзяўчына, якая выжыла падчас нападу ХАМАС на фестываль Nova
Сёлета Малдова не будзе ўдзельнічаць у «Еўрабачанні»
У польскім фінале адбору на «Еўрабачанне» прагучыць песня на падляскай гаворцы
Ён быў першым беларусам на «Еўрабачанні» і зоркай, якую ведала ўся краіна — Міхаіл Фінберг
Былы міністр культуры Руслан Чарнецкі знайшоў сабе падпрацоўку9
Каментары