Швед: Узровень злачыннасці ў Беларусі дасягнуў свайго гістарычнага мінімуму
Менш стала злачынстваў супраць жыцця і здароўя, у тым ліку, забойстваў, менш людзей пацярпела ад крадзяжоў, зніжэнне злачыннасці адзначана ва ўсіх рэгіёнах краіны, дае справаздачу Генпракуратура.
«У мінулым годзе ўзровень злачыннасці ў параўнанні з 2023 годам знізіўся на 14 працэнтаў і дасягнуў свайго гістарычнага мінімуму», — цытуе генпракурора Андрэя Шведа БелТА.
Агульная колькасць зарэгістраваных у Беларусі злачынстваў у 2024 годзе склала 73,2 тыс. Паводле Генпракуратуры, зніжэнне адзначана ва ўсіх рэгіёнах.
Так, зменшылася на 13,7 працэнта (з 2852 да 2462) колькасць асабліва цяжкіх злачынстваў. Скарацілася колькасць забойстваў (з 224 да 175 або на 21,9%), згвалтаванняў і гвалтоўных дзеянняў сексуальнага характару (з 449 да 385 або на 14,3%), крадзяжоў (з 20708 да 14654 або на 29,2%), рабаванняў (з 988 да 713 або на 27,8%).
Зменшылася на 13,5 працэнта (з 13 661 да 11 813) колькасць зарэгістраваных злачынстваў, учыненых у алкагольным стане, а таксама групай асоб — на 10,9 працэнта (з 3424 да 3050).
У той жа час, кажа Швед, ёсць тэндэнцыі, якія вымагаюць увагі. Гэта, напрыклад, дзейнасць кібермахляроў. «Ашуканцы вельмі хутка арыентуюцца, укараняюць у свае злачынныя схемы розныя варыянты маніпуляцый», — сказаў ён.
Акрамя таго, пракуратуру непакоіць рост злачыннасці сярод непаўналетніх: хоць менш непаўналетніх і прыцягнута да адказнасці, але злачынстваў яны ўчынілі больш.
«Нас таксама непакояць пытанні, звязаныя з бяспекай дзяцей. У мінулым годзе павялічылася колькасць дзяцей, якія загінулі ад розных знешніх прычын. З гэтым трэба сур'ёзна працаваць усім: і бацькам, і педагогам, і грамадству — ствараць нашым дзецям бяспечнае асяроддзе», — сказаў Андрэй Швед.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары