Свет33

Як тэлешоу дапамаглі знізіць колькасць разводаў у Паўднёвай Карэі

У пачатку 2000-х узровень разводаў у Паўднёвай Карэі быў адным з самых высокіх у свеце. А цяпер удвая ніжэйшы, чым у Беларусі.

Як піша The Wall Street Journal, дваццаць гадоў таму ўзровень разводаў у Паўднёвай Карэі быў адным з самых высокіх у свеце. Гэтая тэндэнцыя ўзнікла пасля Азіяцкага фінансавага крызісу ў канцы 1990-х і прыняцця важнага заканадаўчага рашэння, якое ўпершыню дазволіла хатнім гаспадыням атрымліваць частку пенсіі мужа пры разводзе. Прыкладна ў той жа час з’явілася першае шоу, прысвечанае разводам, — «Каханне і вайна», дзе гледачы вырашалі, ці павінна пара расстацца.

Сёння сітуацыя змянілася: ужо пяць гадоў запар узровень разводаў у Карэі зніжаецца і цяпер складае 1,8 на 1000 чалавек. Для параўнання: у Беларусі гэты каэфіцыент удвая вышэйшы — 3,7. 

Спецыялісты звяртаюць увагу на вялікую папулярнасць кантэнту пра разводы ў краіне, дзе сацыяльныя нормы і грамадскі ціск часта стрымліваюць людзей ад прыняцця рашэння разысціся. Паколькі гэтая тэма ўсё яшчэ не стала цалкам адкрытай для дыскусій, менавіта праз медыя людзі могуць даведацца, як іншыя спраўляюцца з падобнымі праблемамі.

Сярод папулярных шоу — «Лагер роздумаў аб разводзе: Абнаўленне», дзе пары, чые адносіны знаходзяцца пад пагрозай, спрабуюць пераасэнсаваць і аднавіць свой шлюб, і «Як ваш шлюб?» — дыскусійнае ток-шоу, прысвечанае праблемным адносінам. А шоу знаёмстваў «Каханне пасля разводу» прыцягвае гледачоў слоганам: «Зноў адзінокія, зноў гатовыя да новых знаёмстваў».

‘Love After Divorce
Пара, якая пазнаёмілася ў шоу «Каханне пасля разводу». Скрын відэа: sarangcoKR / YouTube

Гледачы такіх шоу атрымліваюць практычныя парады па вырашэнні сямейных праблем, а таксама магчымасць наладзіць больш цесную сувязь з блізкімі.

Аднак нягледзячы на папулярнасць у медыя, тэма разводаў у Паўднёвай Карэі дагэтуль застаецца сацыяльна стыгматызаванай. Для таго, каб паказаць, што людзі, якія перажываюць сямейны крызіс, не адзінокія, юрыстка Чхве Юна (Choi Yuna) у 2018 годзе стварыла «комікс пра развод». Яе ініцыятыва прывяла да стварэння папулярнага серыяла «Добры партнёр» на Netflix, які стаў адным з лідараў праглядаў у краіне.

Цяпер у Паўднёвай Карэі тэма разводаў ахоплівае не толькі традыцыйныя тэлешоу, але і новыя фарматы. Напрыклад, на платформе кароткаметражных відэа выйшаў серыял «Усё або нічога» пра выдуманую знакамітасць, якая разводзіцца.

Праз тэлешоу, блогі і дыскусіі ў сацсетках многія пачынаюць усведамляць, што шлюб патрабуе працы, кампрамісаў і эмацыянальнай гнуткасці. Гэты інфармацыйны ўплыў, магчыма, і стаў адной з прычын змяншэння колькасці разводаў у Паўднёвай Карэі: пары, замест таго каб расставацца, спрабуюць знайсці рашэнні сваіх праблем, натхнёныя вопытам іншых.

Адкрытыя размовы не падштурхоўваюць да разрыву, а наадварот, дапамагаюць умацоўваць адносіны і шукаць шляхі да паразумення.

Каментары3

  • Илья
    07.02.2025
    Пропаганда здоровой страны
  • Жывемтак
    07.02.2025
    Гэта ў сэнсе "хачу, як у тэлевізары". Таму ў мяне яго і няма. Бо тэлевізар плюс камуняцкі тык-ток давядзе да атупення і прымітывізма (трэба да іх і маскалёвы тэлеграм дабавіць). Дарэчы Пятро Парашэнка папярэджваў, каб людзі НЕ глядзелі навіны ў тэлеграме.
  • що ?
    07.02.2025
    "Пятро Парашэнка папярэджваў, каб людзі НЕ"
    жэрлі ягоныя хімозныя цукеркі ?

Цяпер чытаюць

Актывістка Наста Базар папрасіла ў сяброў грошы на жыццё. Меркаванні радыкальна падзяліліся42

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Усе навіны →
Усе навіны

Каля станцыі метро «Пушкінская» здарылася масавая аварыя4

Ціханоўская пра прапагандысцкі фільм БТ: Мы ніколі не будзем рызыкаваць людзьмі25

Муж галоўнай гераіні прапагандысцкага фільма БТ скончыў жыццё самагубствам33

У Мінскай вобласці — выбух атручванняў сурагатным алкаголем. У гэтым годзе ўжо 4 чалавекі загінулі ад яго1

ChatGPT адкрыў функцыю Deep Research для карыстальнікаў з самай таннай падпіскай. Вось як яна працуе і што можа3

Пуцін назваў умову, калі Расія не будзе прэтэндаваць на Адэсу і іншыя ўкраінскія гарады30

На БТ зрабілі фільм пра тое, як беларусы ледзь выжываюць у Еўропе. Каб запісаць відэа, герояў жорстка падманулі47

Пракапеня прадаў крыптабіржу Currency з беларускімі каранямі інвестарам3

Аляксей Протас устанавіў беларускі рэкорд па балах у НХЛ

больш чытаных навін
больш лайканых навін

Актывістка Наста Базар папрасіла ў сяброў грошы на жыццё. Меркаванні радыкальна падзяліліся42

Актывістка Наста Базар папрасіла ў сяброў грошы на жыццё. Меркаванні радыкальна падзяліліся

Галоўнае
Усе навіны →

Заўвага:

 

 

 

 

Закрыць Паведаміць