Амерыканская кампанія Netflix перастала паказваць на сваёй стрымінгавай платформе дзевяць фільмаў і тэлешоу па патрабаванні ўладаў пяці дзяржаў, піша РБК. Пра гэта паведамляе Axios са спасылкай на справаздачу кампаніі, апублікаванай, як сцвярджае выданне, упершыню за ўсю гісторыю Netflix.
У кампанію звярнуліся ўлады Сінгапура, Новай Зеландыі, В'етнама, Германіі і Саудаўскай Аравіі. Пісьмовыя патрабаванні, згодна з дакументам, паступалі ў Netflix з 2015 па 2020 год.
Апошні раз зняць з паказу бразільскую камедыю The Last Hangover ад кампаніі запатрабавала Сінгапурскае Упраўленне па развіцці медыякамунікацый, піша The Verge. Па яго ж загадзе ў 2019 годзе Netflix выдаліў фільм «Апошняя спакуса Хрыста», у 2018 годзе — тэлешоу Cooking on High, дакументальны фільм The Legend of 420 і камедыйны серыял Disjointed. Акрамя гэтых карцін у спіс увайшлі:
- амерыканскае тэлешоу Patriot Act with Hasan Minhaj, якое у 2019 прыбралі па патрабаванні саудаўскіх уладаў;
- хорар Night of the Living Dead, выдалены па запыце Камісіі па абароне моладзі ФРГ у 2017 годзе;
- фільм Стэнлі Кубрыка «Суцэльнаметалічная абалонка», прысвечаны вайне ў В'етнаме, выдалены ў 2017 па патрабаванні Хашыміна (Сайгона);
- шведска-дацкі дэтэктыўны серыял «Мост», які знялі па патрабаванні Новай Зеландыі, дзе карціну лічаць «спрэчнай».
Як паведамілі Axios у кампаніі, Netflix стараецца захаваць кантэнт на платформе, але калі з уладамі не ўдаецца дамовіцца, выдаляе яго толькі пры наяўнасці пісьмовага пацвярджэння запыту.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу24
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары