Урад Ліхтэнштэйна ўпершыню ўзначаліць жанчына — Брыгіта Хаас — пасля перамогі сваёй партыі на парламенцкіх выбарах, піша Радыё Свабода.
Па выніках выбараў правацэнтрысцкі «Патрыятычны саюз» атрымаў 38,3% галасоў. Яго калега па мінулых кааліцыях — кансерватыўная «Прагрэсіўная грамадзянская партыя» — набрала 27,5%. Трэцяе месца дасталася правапапулісцкім «Дэмакратам за Ліхтэнштэйн», якія моцна дадалі з папярэдніх выбараў, а чацвёртае — леваму «Свабоднаму спісу».
Прэм'ер-міністрамі Ліхтэнштэйна больш за сто гадоў былі мужчыны. Выбарчыя правы ў жанчын у княстве з'явіліся толькі ў 1984 годзе, першую дэпутатку абралі праз два гады.
Гендэрны парытэт у органах улады Ліхтэнштэйна не дасягнуты дагэтуль, адзначаюць у АБСЕ. На цяперашніх выбарах у спісах найбуйнейшых партый жанчын было менш за траціну.
Хаас — кіраўнік Гандлёва-прамысловай палаты Ліхтэнштэйна, у яе багаты эканамічны досвед і ёсць міжнародныя сувязі.
Ліхтэнштэйн, будучы адной з самых маленькіх краін Еўропы, застаецца спадчыннай манархіяй. Князь надзелены шырокімі паўнамоцтвамі — аж да роспуску парламента і прыпынення законаў.
У парламенце Ліхтэнштэйна 25 месцаў, дэпутаты сумяшчаюць заканатворчую дзейнасць з іншай працай. Галасаванне на выбарах абавязкова па законе, яўка на гэтых перавысіла 76% — галасуюць грамадзяне княства пераважна па пошце.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА10
Каментары
вось чаму, апроч злачыннасьці існаваньня коштам трэціх асобаў бязь іхае згоды, ўсе гэтыя свабоды і абээсйэ сьлед пазбавіць бюджэтнага фінансаваньня, каб не замулялі вочы людзям падобнай лухтой
гэта ня проста так - як болей сацыялізму (больш эгалітарная дэмакратыя), так горай