Украінскі амбудсмен Дзмітрый Лубінец паведаміў пра вяртанне ў краіну дзяцей, якія знаходзіліся на акупаваных Расіяй тэрыторыях.
Вярнулі восем дзяцей з Луганскай, Запарожскай і Херсонскай абласцей. Сярод іх — родныя браты і сёстры.
«Усе дзеці былі раз'яднаныя са сваімі роднымі з-за вайны і акупацыі, некаторыя страцілі бацькоў», — напісаў Лубінец.
Пасрэднікам у абмене паміж расійскім і ўкраінскім бакамі стаў Катар. Амбудсмен не ўдакладніў, на якой тэрыторыі атрымалася сустрэцца з дзецьмі, але на адным з фотаздымкаў бачна герб Дзяржаўнага памежнага камітэта Беларусі.
У Расію павярнуліся дзве сястры, паведаміла расійская амбудсмен па правах дзяцей Марыя Львова-Бялова. Яна дадала, што дзяўчынкі сустрэліся з мамай у амбасадзе Катара ў Мінску.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны23
Каментары
Ды і лакацыя, дзе адбываўся абмен, ну вельмі лёгка пазнаецца кожным, хто хоць раз бачыў кадры з абменаў палоннымі і да вайны ездзіў праз Гомель ва Украіну. Гэта памежны пераход "Новая Гута" - менавіта беларускі бок, там, яшчэ з часу набыцця незалежнасці, усё ў бел-чырвона-белых колерах збудавана. З украінскага боку там "Новыя Ярылавічы" - яны ў сіне-жоўтых танах аздобленыя. Гэта адзіны памежпераход паміж Беларуссю і Украінай, дзе дарога не перакапаная, і праз які адбываюцца ўсе абмены з расійцамі (і ваеннапалоннымі, і дэпартаванымі цывільнымі, і жыхарамі занятай украінцамі часткі Курскай вобласці, якіх украінцы намагаюцца аддаць расіі).