У Мінску работнік хоспіса афармляў пазыкі на паміраючых пацыентаў
39-гадовага раней судзімага мінчаніна будуць судзіць за крадзеж, піша «Мінск-Навіны». З дапамогаю тэлефонаў паціентаў ён афармляў на іх пазыкі, а грошы пераводзіў сабе.
У чэрвені 2020-га мужчына вызваліўся з месцаў пазбаўлення волі, дзе адбываў пакаранне за забойства. Праз два гады ён уладкаваўся ў хоспіс і стаў даглядаць за людзьмі, якія паміраюць.
Аднойчы ён даведаўся, што адзін з мабільных аператараў дае сваім кліентам магчымасць браць мікрапазыкі, і вырашыў гэтым скарыстацца. Праз тэлефоны пацыентаў ён афармляў заяўкі на мікрапазыкі ад 300 да 1 000 рублёў, а потым пераводзіў грошы на свой рахунак. Такім чынам ён падмануў семярых чалавек на агульную суму 4100 рублёў.
У дачыненні да мінчаніна распачалі крымінальную справу. Віну грамадзянін прызнаў поўнасцю, грошы кампенсаваў часткова.
Каментары