Брытанія павысіць выдаткі на абарону с 2,3% да 2,5% ад ВУП да 2027 года, але зменшыць дапамогу іншым краінам.
Прэм'ер-міністр Вялікабрытаніі Кір Стармер абвясціў пра павышэнне брытанскіх выдаткаў на абарону да 2,5% ад ВУП каралеўства да 2027 года.
З 2029 года Брытанія пачне павялічваць выдаткі на абарону да 3% ВУП, зазначыў прэм'ер-міністр.
У той жа час Стармер заявіў аб змяншэнні з 2027 года дапамогі іншым краінам з 0,5 працэнта да 0,3 працэнта ВУП для павышэння сваіх выдаткаў на абарону.
«Я хачу растлумачыць, што гэта не тая аб'ява, якую я рады зрабіць. Я ганаруся нашымі дасягненнямі ў галіне развіцця за мяжой, і мы працягнем граць ключавую гуманітарную ролю ў Судане, ва Украіне і ў сектары Газа, вырашаючы праблемы змены клімату, падтрымліваючы шматнацыянальныя намаганні ў галіне глабальнай аховы здароўя і вырашэння такіх праблем, як вакцынацыя», — паабяцаў ён.
Але ў такія моманты, як гэты, дадаў ён, абарона і бяспека брытанскага народа павінны быць на першым месцы.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары