Пакуль у лясах і парках толькі пачынаюць прабівацца першацветы, у адной з аранжарэй Цэнтральнага батанічнага саду пануе вясна — тут распусціліся цюльпаны, нарцысы і нават бэз, піша «Мінск-Навіны».
Не кожная батанічная ўстанова ў свеце можа пахваліцца зімовай выганкай такой расліны як бэз. У Беларусі гэтая экспазіцыя таксама адзіная ў сваім родзе.
Ужо чацвёрты год беларускія навукоўцы паказваюць квітнеючы бэз на выставе «Дыханне вясны». Гэтым разам на выставе — 9 гатункаў.
Не ўсе гатункі аднолькава прыдатныя для зімовай выганкі, і, вядома, ёсць нюансы ў тэхналогіі вырошчвання. Гэта адмысловыя падкормы і апрацоўкі, перасадка, абразанне і розныя комплексныя мерапрыемствы, якія праводзяць на працягу года, распавядаюць спецыялісты.
Таксама на выставе можна пабачыць цюльпаны гатункаў розных класаў, а таксама каля 20 гатункаў нарцысаў.
Выстава будзе працаваць да 16 сакавіка з 10:00 да 17:00 і з 19:00 да 21:00 ва ўсе дні, акрамя панядзелка.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары