Як можа выглядаць спыненне агню ва Украіне? Эксперты апублікавалі свой план
Група экспертаў Жэнеўскага цэнтра палітыкі бяспекі апублікавала 31-старонкавы дакумент, з дэталямі таго, як можна кантраляваць і забяспечваць спыненне агню ўздоўж лініі расійска-ўкраінскага фронту працягласцю больш за 1200 кіламетраў.
Пра яго піша газета The New York Times.
Гэты дакумент — адзін з найбольш падрабязных шаблонаў пагаднення аб спыненні агню ва Украіне.
У ім прапаноўвалася буферная зона шырынёй не менш за 10 км, якая падзяляе дзве арміі. Патруляваць яе павінны 5000 цывільных асоб і паліцэйскіх. У дакуменце сцвярджаецца, што для забеспячэння бяспекі гэтых назіральнікаў можа спатрэбіцца каля 10 000 замежных вайскоўцаў.
Назіральнікі будуць даваць справаздачу аб захаванні рэжыму спынення агню і пра тое, ці было адведзена цяжкае ўзбраенне на ўзгодненую адлегласць ад буфернай зоны. Місія будзе дзейнічаць у адпаведнасці з мандатам Арганізацыі Аб'яднаных Нацый або іншага міжнароднага органа.
Томас Грэмінгер, дырэктар Жэнеўскага цэнтра палітыкі бяспекі, расказаў, што сярод экспертаў, якія распрацоўвалі дакумент, былі афіцыйныя асобы міжнародных арганізацый і былыя ваенныя камандзіры з досведам міратворчай дзейнасці.
Асобна Грэмінгер правёў канфідэнцыйныя перамовы паміж экспертамі па знешняй палітыцы з Украіны, Расіі, Злучаных Штатаў і Еўропы.
Ён сказаў, што першапачатковай мэтай сустрэч, якія пачаліся ў 2022 годзе, было «ўсталяваць канал сувязі» з Масквой, і таксама абмяркоўваліся сцэнары спынення агню або ўрэгулявання канфлікту.
Але захаваць рэжым спынення агню лічаць складанай задачай. Адна з прычын — працягласць лініі ўздоўж акупаваных тэрыторый. Яна ў пяць разоў даўжэйшая, чым дэмілітарызаваная зона паміж Паўночнай і Паўднэвай Карэі. Другая прычына — рознае ўзбраенне, даступнае Расіі і Украіне.
Эксперты таксама скептычна ставяцца да гатоўнасці Пуціна пагадзіцца на спыненне агню, не кажучы ўжо аб захаванні яго ўмоў. Ніякая маніторынгавая місія не змагла б стрымаць Пуціна, калі ён вырашыць пачаць новае ўварванне ва Украіну, піша выданне.
Каментары
Хотя, фантазии могут реализоваться на условиях путина-трампа, если смотреть на то, что творит трамп по отношению к Украине и как сильно уважает и любит друга вову.....