На фабрыцы ў Слуцку загінуў электраманцёр: яго збіў недасведчаны кіроўца пагрузчыка
Кіроўцу не хапіла ўважлівасці, і ён збіў калегу на працоўным месцы.
Фота: Следчы камітэт
На фабрыцы ў Слуцку на працоўным месцы загінуў 40-гадовы электраманцёр.
Паводле даных следства, днём 12 сакавіка 31-гадовы кіроўца пагрузчыка рухаўся па няроўнай паверхні тэрыторыі прадпрыемства. З-за неасцярожнасці і няўважлівасці ён наехаў на электраманцёра. Мужчына атрымаў траўмы, несумяшчальныя з жыццём.
Папярэдне, кіроўца пагрузчыка перад пачаткам руху не пераканаўся ў бяспецы, што і прывяло да трагедыі. У Следчым камітэце адзначылі, што ён працаваў па спецыяльнасці менш за месяц.
Следчыя распачалі крымінальную справу па артыкуле аб прычыненні смерці па неасцярожнасці.
Каментары