Неабходныя грошы на аперацыю Данілу Гаркаваму, які змагаецца з анкалогіяй і перанёс сем аперацый, сабралі за суткі
Учора Даніла Гаркавы падзяліўся з «Нашай Нівай» сумнай гісторыяй хваробы.
У мужчыны вельмі рэдкая злаякасная пухліна мяккіх тканак — дэрматафібрасаркома. У Беларусі яму доўгі час не маглі паставіць правільны дыягназ, што сур’ёзна паўплывала на яго далейшае жыццё. У 2010 годзе Даніілу зрабілі аперацыю ў Германіі, пасля чаго пачалася доўгая рэмісія. Але праз 14 гадоў хвароба вярнулася.
На аперацыю па выдаленні пухліны і трансплантацыя тканін, пасляаперацыйны дагляд і 12 дзён у стацыянары і суму для шпіталю на непрадбачаныя выдаткі патрабавалася сабраць 6436 еўра.
Менш чым за суткі грошы сабраныя. Па стане на 14:00 пятніцы сабрана 6564 еўра.
Разам з тым збор працягваецца.
Каментары