Беларускія грыбнікі ўжо адкрылі сезон на адзін з галоўных лясных далікатэсаў — баравікі. Раніцай 19 мая з'явіліся паведамленні і фотадоказы першых «трафеяў», што выклікала ажыятаж у тэматычных супольнасцях, піша Telegraf.news.
Як расказаў у сваім акаўнце Threads грыбнік Аляксандр Гарбацэвіч, ён разам з «калегам» Аляксандрам Шаўцовым раніцай 19 траўня адшукаў «першыя афіцыйна запратакаляваныя сасновыя белыя грыбы ў Беларусі ў 2025 годзе».
Мужчыны знайшлі чатыры грыба — два «падрослыя» і два маладыя — у розных лакацыях.
«Гэта гаворыць, пачатак слоя ўжо пайшоў, — падзяліўся сваім меркаваннем Гарбацэвіч. — Я думаю, што цяпер сонца прыгрэе, і да выхадных у канцы мая ўжо будзе паўнавартасны збор грыбоў баравікоў у беларускіх лясах».
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары