Грузія пастрожыць правілы знаходжання замежнікаў, ажно да выдварэння
Кіраўніцтва Грузіі ўзмоцніць барацьбу з незаконным знаходжаннем замежнікаў на тэрыторыі краіны. У прыватнасці, у Крымінальным кодэксе з’явіцца новы від пакарання, паведамляе «Веснік Каўказа».
Улады Грузіі ўводзяць больш жорсткія правілы знаходжання замежных грамадзян на тэрыторыі краіны. Пра гэта паведаміў 9 чэрвеня выканаўчы сакратар «Грузінскай мары» Мамука Мдінарадзэ.
«У Крымінальны кодэкс дадаецца новы від пакарання — выдварэнне замежніка з Грузіі і забарона на ўезд у Грузію на пэўны тэрмін. У Кодэкс аб адміністрацыйных правапарушэннях таксама дадаецца новы від адміністрацыйнага пакарання — выдварэнне замежніка з Грузіі і забарона на ўезд замежніка ў Грузію» — прадстаўнік кіроўнай партыі.
Мамука Мдзінарадзэ падкрэсліў, што ў Крымінальны і Адміністрацыйны кодэксы дададуць новыя віды пакаранняў.
Ён таксама адзначыў, што будуць істотна павялічаны штрафы для замежнікаў, якія парушылі правілы знаходжання ў рэспубліцы.
Акрамя таго, будзе істотна спрошчана працэдура выдварэння нелегалаў з краіны.
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі9
Каментары