Кіт Келаг расказаў пра вяртанне Расіі ў «Лігу Нацый» і параўнаў Зяленскага з Лінкальнам
Спецпрадстаўнік прэзідэнта ЗША па пытаннях Украіны Кіт Келаг, прыцягнуты да мірнага ўрэгулявання, расказаў пра «пачуццё ўпэўненасці» пасля азнаямлення з бачаннем Кіева і Масквы адносна спынення вайны, піша Украінская служба «Радыё Свабода».
«Мы ўзялі ўкраінскі дакумент, потым расійскі — яны завуць яго мемарандумам… І мы сказалі: добра, як вы можаце аб'яднаць гэтыя два дакументы разам, каб дасягнуць канчатковага стану?
І цяпер мы дастаткова ўпэўнена сябе адчуваем. Мы ведаем, як можа і павінен выглядаць канчатковы стан. І калі б мы маглі проста дайсці да гэтага моманту, то, лічым, гэта можна «выйграць». Пад выйгрышам я маю на ўвазе магчымасць дайсці да мірнага пагаднення», — заявіў Келаг у Брусэлі падчас форуму нямецкага Фонду Маршала.
Адказваючы на пытанне, як менавіта можа выглядаць «канчатковы стан», Келаг сказаў пра усёахопнае спыненне агню.
«Спыненне агню на месцы — гэта значыць на зямлі, на якой вы фізічна знаходзіцеся», — растлумачыў чыноўнік, на якіх пазіцыях гэта павінна адбыцца.
«Пасля мы хочам дайсці да вяртання дзяцей, палонных, якія там знаходзяцца, што зрабіла б устойлівае спыненне агню доўгатэрміновым і ўстойлівым не толькі для ўкраінцаў, але і для Еўропы.
Потым — паспрабаваць вярнуць рускіх да таго, што я б назваў Лігай Нацый. Так што ўсе працуюць разам… Вы ўсе можаце жыць з вынікамі гэтага ў доўгатэрміновай перспектыве», — падкрэсліў Келаг.
Спецпрадстаўнік Дональда Трампа чарговы раз адзначыў колькасць ахвяр з абодвух бакоў, назваўшы гэта «забойствамі прамысловага маштабу». Паводле яго, сумарна забітых і параненых — больш за 1,2 мільёна.
Асобна Келаг адзначыў намаганні Уладзіміра Зяленскага, а таксама асобна спыніўся на выкліках, з якімі сутыкаецца ўкраінскі лідар. Келаг сказаў, што звяртаў на гэта ўвагу прэзідэнта ЗША.
«Я сказаў: сэр, у нас не было амерыканскага прэзідэнта з часоў Аўраама Лінкальна, які б павінен быў рабіць тое, што зрабіў прэзідэнт Зяленскі. Ён вядзе вайну за нацыянальнае выжыванне на сваёй уласнай зямлі… Калі вы гэта бачыце, вы павінны шанаваць праблемы, з якімі яны сутыкаюцца цяпер на месцах. Думаю, часам мы гэтага не бачым», — заўважыў Келаг.
«Гучная ноч у Кіеве, тата!» — дачка генерала Келага стала героем сацсетак
Спецпрадстаўнік ЗША пракаментаваў атакі ўкраінскіх дронаў па расійсікіх аэрадромах падчас аперацыі СБУ «Павуцінне»
Спецпрадстаўнік Трампа адказаў Мядзведзеву: Заява не адпавядае статусу сусветнай дзяржавы
Келаг: ЗША разглядаюць магчымасць размяшчэння замежных войскаў ва Украіне
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары
1 Самаахвярнасці мужнасці адданнай часткі насельніцтва ЗСУ
2 НАЖАЛЬ дапамога ЗША Эўразвяза іх бачання
З Калапс кіравання на рф ..амаль адразу пасля 24 Лютага 3 чынніка якія дзля сябе іньшым прапанавал
Наконт вздорнага супер стара і яго клаакі - адміністрацыі таксама зразумела да другога абрання
Ад ЗША Трампа адміністрацыі зараз сення толькі зброя патрэбна і Магчыма зараз ..
Глядзі, сынок. Гэта называецца "геапалітыка".
Почему вы тормозіте помощ которая ужэ утверждена Сенатом Конгрессом..
Есць спадзяванне дапамога дайдзе
І надзея на інстінкт самазахавання у Старой Эўропы і грошы на зброю