«У мяне пасланне да іранскага народа». Нетаньяху патлумачыў аперацыю «Паўсталы леў»
Аперацыя «Паўсталы леў» — так Ізраіль назваў атакі на ядзерныя аб’екты Ірана. Прэм’ер-міністр Біньямін Нетаньяху прамовіў прамову, у якой патлумачыў, чаму было прынята такое рашэнне, і звярнуўся з прымірэнчым пасланнем да іранскага народа, піша Bild.
«Гэта аперацыя будзе працягвацца столькі дзён, колькі спатрэбіцца, каб ліквідаваць пагрозу. На працягу дзесяцігоддзяў тыраны з Тэгерана нахабна і адкрыта заклікалі да знішчэння Ізраіля. Яны падмацавалі сваю рыторыку генацыду праграмай распрацоўкі ядзернай зброі. За апошнія гады Іран вырабіў дастаткова ўзбагачанага ўрану для дзевяці атамных бомбаў. Дзевяці! Калі яго не спыніць, Іран зможа за вельмі кароткі час стварыць атамную бомбу. (…) Гэта — яўная і непасрэдная пагроза выжыванню Ізраіля.
У мінулым годзе Іран выпусціў 300 балістычных ракет па Ізраілі. Кожная з гэтых ракет нясе тону выбухоўкі і пагражае жыццю соцень людзей. Хутка гэтыя ракеты змогуць несці ядзерную боегалоўку — і тады будуць пагражаць жыццю не соцень, а мільёнаў людзей. (…) Уявіце сабе гэта — уявіце, што 10 000 тон трынаітрататалу (тратылу) абрушаюцца на краіну памерам з Нью-Джэрсі».
Нетаньяху таксама надаў гістарычны кантэкст таму, што адбываецца — амаль сто гадоў таму, сказаў ён, перад тварам нацыстаў «цэлае пакаленне лідараў не здолела своечасова прыняць меры»:
«Яны былі рашуча настроены пазбегнуць новай вайны любой цаной — і атрымалі самую жудасную вайну ўсіх часоў. Гэта няздольнасць дзейнічаць прывяла да Другой сусветнай вайны — самай смяротнай вайны ў гісторыі. Яна забрала 60 мільёнаў жыццяў, у тым ліку 6 мільёнаў габрэяў — трэць майго народа. Пасля гэтай вайны габрэйскі народ і габрэйская дзяржава пакляліся: ніколі зноў. Так вось — «ніколі зноў» — гэта цяпер. Сёння Ізраіль паказаў, што мы зрабілі высновы з гісторыі.
Мы разбілі ХАМАС, мы знішчылі «Хезбалу». Мы ўдарылі па іранскіх стаўленіках у Сірыі і Емене. І калі Іран летась двойчы наўпрост атакаваў нас, мы нанеслі адказныя ўдары па самім Іране.
Абараняючы сябе, мы таксама абараняем іншых. Мы абараняем нашых арабскіх суседзяў. Яны таксама пацярпелі ад кампаніі хаосу і разні, якую ўчыніў Іран. Нашы дзеянні супраць іранскай проксі-арганізацыі «Хезбала» прывялі да фармавання новага ўрада ў Ліване і да краху смяротнага рэжыму Асада ў Сірыі. У людзей у гэтых дзвюх краінах цяпер ёсць шанец на іншую будучыню, на лепшую будучыню.
Гэта датычыцца і храбрага іранскага народа. У мяне ёсць пасланне для вас: наша барацьба накіраваная не супраць вас. Наша барацьба накіраваная супраць жорсткай дыктатуры, якая ўжо 46 гадоў прыгнятала вас. Я веру, што дзень вашай свабоды блізкі. І калі гэты дзень настане, вялікае сяброўства паміж нашымі двума старажытнымі народамі зноў расцвіце. Я хачу запэўніць цывілізаваны свет у тым, што мы не дазволім самаму небяспечнаму рэжыму ў свеце атрымаць самую небяспечную зброю ў свеце».
Ізраіль нанёс удары па Іране. Загінулі кіраўнік Корпуса вартавых ісламскай рэвалюцыі і начальнік Генштаба арміі Ірана
Вярхоўны лідар Ірана пагражае Ізраілю наступствамі
Трамп адрэагаваў на авіяўдары Ізраіля па Іране
Ізраіль задзейнічаў для ўдараў па Іране 200 самалётаў
Самалёт з Мінска ў Дубай экстранна сеў у Баку
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Нажаль да Украіны увага зменьшыцца камрад Беня паспрыял а перемоўнік Дональд паспрыял..
Тым якія пляскают у далоні нагадаю ні толькі Тэгеран " сабзнік" рф ВВПу а і БНетаньяху камрад Адзін шахедамі дапамог іньшы тэхналогіей " ланцэтаў" і забаронай продажу Украіне 3 гады.