У Пентагоне і Дзярждэпе ўдакладнілі пазіцыю па пастаўках зброі.
Нягледзячы на заяву Белага дома аб прыпыненні паставак зброі Украіне, у Вашынгтоне падкрэслілі, што гаворка не ідзе аб поўным спыненні дапамогі.
Прадстаўнік Пентагона Шон Парнэл заявіў, што Міністэрства абароны «па-ранейшаму прапануе прэзідэнту Дональду Трампу надзейныя варыянты вайсковай падтрымкі Украіны, якія адпавядаюць ягонай мэце — пакласці канец гэтай трагічнай вайне», піша Bild.
Па словах Парнэла, падыход да ваеннай дапамогі можа быць перагледжаны, але ЗША не адмовяцца ад сваіх абаронных прыярытэтаў.
«Міністэрства ацэньвае і карэктуе свой падыход, не зніжаючы пры гэтым узровень баявой гатоўнасці», — падкрэсліў ён.
Падобную пазіцыю агучыла і прадстаўніца Дзярждэпартамента Тэмі Брус. Яна запэўніла, што «гаворка не ідзе аб спыненні падтрымкі Украіны ці паставак зброі»
Больш за тое, паводле ейных слоў, прэзідэнт Трамп пацвердзіў сваю прыхільнасць пастаўкам сістэм супрацьпаветранай абароны Patriot, якія адыгралі ключавую ролю ў адбіцці расійскіх нападаў.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары