Абвінавачаны Аляксандр Ларын: «Я забіў і закапаў свайго саўдзельніка»
У Вярхоўным судзе працягваецца працэс па справе Аўтуховіча, Асіпенкі, Казлова і Ларына.
У Вярхоўным судзе працягваецца працэс па справе Аўтуховіча, Асіпенкі, Казлова і Ларына. Сёння былі прагледжаныя дакументы справы, датычныя да вочнай стаўкі Аляксандра Ларына і Ўладзімера Асіпенкі, якая была праведзена ў лютым 2009 году.
Падчас гэтай вочнай стаўкі Аляксандр Ларын паведаміў, што ён нібыта забіў і закапаў свайго саўдзельніка, з якім разам рыхтаваўся да замаху на старшыню Гарадзенскага аблвыканкаму Ўладзіміра Саўчанку. «Ён крымінальнік, таму яго ніхто ня будзе шукаць», — сказаў Ларын Асіпенку.
Ларын паведаміў, што яму быццам бы перадалі грошы — 2 тысячы даляраў у якасці авансу за забіццё Саўчанкі, а таксама 800 даляраў на набыццё аўтамабіля. Але падчас гэтага допыту стала вядома, што ад планаў на замах Ларын адмовіўся, пакінуў гранатамёт і выбуховае прыстасаванне і папрасіў Асіпенку забраць гэтыя рэчы.
Паводле паказанняў Уладзіміра Асіпенкі, усё было зусім ня так: ён нічога ня ведаў ні пра замах, ні пра зброю, і ўсе паказанні, якія дае Аляксандр Ларын, Асіпенка абвяргае.
Адвакат Аўтуховіча Павал Сапелка, каментуючы гэтыя паказанні Ларына, сказаў, што ў справе няма ніякіх звестак пра саўдзельніка, якога Ларын нібыта «забіў і закапаў», адвакату невядома і пра следчыя дзеянні па гэтым эпізодзе.
«Падчас медыка‑псіхіятрычнай экспертызы, якую праводзілі Ларыну, ён сам пра сябе сказаў, што «бывае розным». Таму мне цяжка каментаваць гэтую заяву, спадзяюся, суд дасць усёй справе належную адзнаку», — сказаў «Свабодзе» адвакат Павал Сапелка.
-
Венядзіктаў: «У адным з абменаў, пра які гучна не казалі», Украіна вызваліла некалькі дзясяткаў беларускіх наёмнікаў
-
Памёр былы намеснік старшыні Брэсцкага аблвыканкама Леанід Цупрык
-
Пальчыс пра ліст Калеснікавай і Золатавай: «За ўсё добрае, супраць усяго дрэннага», але ў рэальнасці гэта пакіне 9 мільёнаў у лакальным КНДР
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары