Непал у найбліжэйшыя два гады не будзе браць з альпіністаў плату за ўзыходжанне на вяршыні 97 гімалайскіх гор, каб стымуляваць турызм у аддаленых і менш заможных раёнах краіны і прыцягнуць туды альпіністаў, піша Бі-бі-сі.
Адначасова плата за дазвол на ўзыходжанне на Эверэст, найвышэйшую вяршыню свету, у пік сезона з верасня вырасце да 15 тысяч даляраў — гэта першае павышэнне амаль за 10 гадоў.
Абвяшчаючы пра сваё рашэнне, міністэрства турызму Непала выказала надзею, што гэтая ініцыятыва прыцягне ўвагу да «невядомых турыстычных прадуктаў і напрамкаў».
Альпінізм — гэта важная крыніца даходу для Непала, на тэрыторыі якога знаходзяцца восем з дзесяці самых высокіх гор свету. У мінулым годзе зборы за ўзыходжанне прынеслі 5,9 млн даляраў ЗША, больш за тры чвэрці гэтай сумы прыйшлося на Эверэст.
Вяршыні, на якія можна будзе падняцца бясплатна, размешчаныя ў заходніх непальскіх правінцыях Карналі-Прадэш і Судурпашчым-Прадэш. Іх вышыня — ад 5970 метраў да 7132 метраў. Абедзве гэтыя правінцыі адносяцца да ліку самых бедных і найменш развітых рэгіёнаў краіны.
«Нягледзячы на захапляльную прыгажосць гэтых гор, колькасць турыстаў і альпіністаў тут вельмі малая з-за складанага доступу. Мы спадзяёмся, што адмена платы за ўзыходжанне дапаможа змяніць сітуацыю», — сказаў Хімал Гаутам, дырэктар Дэпартамента турызму Непала.
«Новыя турысты дапамогуць стварыць працоўныя месцы, прынесці даход і ўмацаваць мясцовую эканоміку», — цытуе яго сказаў ён.
Аднак пакуль незразумела, ці плануюць улады паляпшаць інфраструктуру і транспартнае злучэнне з гэтымі аддаленымі раёнамі. Не ясна таксама, наколькі паспяхова мясцовыя ўлады справяцца з наплывам альпіністаў, калі ініцыятыва бясплатнага ўзыходжання будзе рэалізаваная.
Альпіністы традыцыйна не выяўлялі асаблівай цікавасці да гэтых 97 цяжкадаступных вяршынь — за апошнія два гады яны пабывалі толькі на 68 з іх. Для параўнання: у 2024 годзе ўлады выдалі 421 дазвол на ўзыходжанне на Эверэст.
Эверэст, найвышэйшая вяршыня свету вышынёй больш за 8849 метраў, у апошнія гады церпіць ад празмернай цікавасці з боку альпіністаў і экалагічных праблем.
У красавіку 2024 года Вярхоўны суд Непала пастанавіў, што ўрад павінен абмежаваць колькасць дазволаў на ўзыходжанне на Эверэст і некалькі іншых вяршыняў, заявіўшы, што «неабходна ўлічваць прапускную здольнасць гор».
У студзені гэтага года ўлады абвясцілі аб павышэнні платы за дазвол на 36%.
Для тых, хто паспрабуе пакарыць вяршыню па-за пікавым сезонам з красавіка па май, цяпер кошт узыходжання на Эверэст з верасня па лістапад складзе 7500 даляраў, а з снежня па люты — 3750 даляраў.
Парламент Непала таксама абмяркоўвае новы закон, які будзе патрабаваць ад кожнага, хто жадае ўзысці на Эверэст, спачатку падняцца на іншую непальскую гару вышынёй больш за 7 тысяч метраў.
Гэта ініцыятыва зробіць вяршыні Карналі-Прадэш і Судурпашчым-Прадэш «ідэальнымі трэніровачнымі пляцоўкамі», піша Kathmandu Post.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома13
Каментары