Яго схапілі пасля вяртання ў Беларусь каля васьмі месяцаў таму і ўтрымліваюць у СІЗА КДБ.
26 жніўня праваабарончыя арганізацыі выступілі з сумеснай заявай наконт журналістаў Алега Супрунюка і Паўла Дабравольскага, якія знаходзяцца за кратамі ў Беларусі.
Пра справу Алега Супрунюка ўжо паведамлялася раней. Суд прызнаў яго вінаватым ва «ўдзеле у экстрэмісцкім фармаванні» (частка 3 артыкула 361—1 Крымінальнага кодэкса) і прызначыў пакаранне ў выглядзе пазбаўлення волі тэрмінам на тры гады. Як вынікае з паведамлення, апублікаванага пракуратурай Брэсцкай вобласці напярэдадні судовага разбіральніцтва, Алег Супрунюк абвінавачваўся ва ўдзеле ў «Беларускай асацыяцыі журналістаў», прызнанай «экстрэмісцкім фармаваннем», і напісанні для яе артыкулаў.
Пра зняволенне былога журналіста Naviny.by Паўла Дабравольскага раней публічна не паведамлялася. Раней Павел супрацоўнічаў з рознымі незалежнымі выданнямі, падчас пратэстаў 2020 года яго затрымлівалі і прыцягвалі да адміністрацыйнай адказнасці ў сувязі з ажыццяўленнем прафесійнай дзейнасці.
Увосень 2021 году Павел Дабравольскі пакінуў Беларусь, ён жыў у тым ліку ў Лацінскай Амерыцы. Аднак, як стала цяпер вядома, са студзеня 2025 года ён знаходзіцца ў Беларусі пад вартай у следчым ізалятары. Дакладны артыкул, па якім выстаўлена абвінавачанне, публічна не раскрываецца, аднак акалічнасці, ў якіх адбываецца крымінальны пераслед, даюць падставы лічыць, што прычынай ўтрымання Паўла пад вартай стала яго папярэдняя дзейнасць, звязаная з рэалізацыяй права на свабоднае выказванне меркаванняў і распаўсюд інфармацыі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы36
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары