«У кампаніі няма грошай». Супрацоўнікаў Rutube масава скароцяць праз год пасля блакіроўкі YouTube
Відэасэрвіс Rutube, які належыць холдынгу «Газпром-медыя», правядзе значнае скарачэнне персаналу, распавялі Frank Media дзве крыніцы, блізкія да кампаніі.
Паводле іх слоў, супрацоўнікам патлумачылі звальненні аб’яднаннем відэапартала з анлайн-кінатэатрам Premier і дадаткам для кароткіх вертыкальных відэа Yappy.
«Нам сказалі, што нас звальняюць па пагадненні бакоў і выплацяць два месячныя аклады, бо Rutube у цяперашнім выглядзе працаваць не будзе. У аддзеле кадраў дадалі, што ў кампаніі няма грошай, каб утрымліваць такі штат супрацоўнікаў», — сказаў адзін з суразмоўцаў выдання.
Ён дадаў, што аптымізацыя штата праводзіцца «ў найкарацейшыя тэрміны». Іншая крыніца адзначыла, што супрацоўнікі «сыходзяць аддзеламі», а ў бізнес-цэнтры «Алкон» на Ленінградскім праспекце, дзе Rutube займае тры паверхі, цяпер «вельмі шмат пустых крэслаў».
У «Газпром-медыя» пацвердзілі, што холдынг праводзіць «рэструктурызацыю і аптымізацыю функцыяналу каманд» некалькіх сэрвісаў з-за будучага аб’яднання. Аднак, колькі супрацоўнікаў закране аптымізацыя, у прэс-службе холдынгу не ўдакладнілі.
Аб планах «Газпром-медыя» запусціць адзіную медыяплатформу на базе Rutube, Premier і Yappy у чэрвені гэтага года паведаміў гендырэктар холдынгу Аляксандр Жараў. Паводле яго слоў, платформа пачне працу ў першай палове 2026 года пад брэндам Rutube. Пры гэтым, як вынікае з справаздачнасці «Газпрома», медыябізнес з'яўляецца стратным для дзяржкарпарацыі.
У 2024 годзе чыстыя страты ад яго склали 247 млн расійскіх руб (3 млн даляраў). пры даходзе 163,5 млрд руб (2 млрд даляраў)
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні3
Каментары