У Беларусі размешчаныя расійскія брыгады, якія абслугоўваюць «Арэшнік» — украінская разведка
Прамую пагрозу з тэрыторыі Беларусі і верагоднасць яе ўступлення ў вайну супраць Украіны кіраўнік ГУР Украіны ацаніў як нізкую.
У Беларусі размешчаныя расійскія брыгады, якія абслугоўваюць «Арэшнік» — украінская разведка Пра гэта ў інтэрв'ю «Укрінфарму» заявіў начальнік Галоўнага ўпраўлення разведкі Міністэрства абароны Украіны Алег Івашчанка.
Паводле яго інфармацыі, на тэрыторыі Беларусі цяпер размешчаныя падраздзяленні 101‑й ракетнай брыгады Узброеных сіл Расіі, на ўзбраенні якой знаходзіцца ракетны комплекс «Арэшнік». Таксама ён адзначыў, што Украіну «непакоіць» тое, што Беларусь дазволіла РФ размясціць на сваёй тэрыторыі рэтранслятары радыёсігналаў, якія наводзяць расійскія ўдарныя беспілотнікі на ўкраінскія грамадзянскія аб'екты і крытычную інфраструктуру.
«Калі Беларусь такога дазволу не давала, гэта сведчыць пра тое, што Мінск ужо не кантралюе дзейнасць Расіі на ўласнай тэрыторыі», — заявіў Івашчанка.
Пры гэтым прамую пагрозу з тэрыторыі Беларусі і верагоднасць яе ўступлення ў вайну супраць Украіны ён ацаніў як нізкую.
Каментары