Украінскі дрон выклікаў пажар у лесе побач з палацам Пуціна ў Геленджыку
Падзенне абломкаў дрона ў ноч на чацвер выклікала пажар у лесе ў раёне вёскі Крыніца ў Геленджыку, паведамілі ў аперштабе Краснадарскага краю. Гэта вёска знаходзіцца ўсяго за 10 км па прамой ад палаца Уладзіміра Пуціна на мысе Ідакапас, паведамляе «Агенцтва».
Пасля падзення абломкаў дрона ў лесе ўзнікла тры кропкі пажару. Па-пачатку плошча пажару складала прыкладна 3 тыс. кв. м, а потым павялічылася да 7 тыс. кв. м, адзначылі ў краевым лясопажарным цэнтры. Пазней плошча вырасла яшчэ больш — да 32 тыс. кв. м (3,2 га), расказалі ў МНС.
Лясны пажар заблакаваў 23 чалавек ля ўзбярэжжа, расказалі ў МНС. Для выратавання людзей, па дадзеных ведамства, быў накіраваны катар На месца быў накіраваны верталёт МНС, але яго працы перашкаджае вецер, паведаміў кіраўнік Геленджыка.
Вёска Крыніца знаходзіцца прыкладна ўаў 30 км па прамой ад цэнтра Геленджыка. Паміж Геленджыкам і Крыніцай (прыкладна за 10 км на ўсход ад вёскі) размешчаны палац Уладзіміра Пуціна на мысе Ідакапас.
Атакі дронаў яшчэ ў мінулым годзе паўплывалі на адпачынак прэзідэнта Расіі. Пуцін практычна перастаў лётаць у Сочы, дзе раней праводзіў значную частку вясны і восені. Крыніца тлумачыла гэта страхам кіраўніка дзяржавы за сваё жыццё пасля атак беспілотнікаў па аб'ектах горада. Да сакавіка 2024 года ў Сочы нават знеслі афіцыйную рэзідэнцыю прэзідэнта «Бачароў ручай».
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны6
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары