Ініцыятыва Maldzis, якая вяртае Беларусі гістарычныя рарытэты, адзначае першы год і робіць гэта фестывалем, які пройдзе ў Варшаве 7 верасня.
Пачатак 7 верасня а 12:00 у Музеі вольнай Беларусі. Пляцоўка будзе падзеленая на некалькі зон з рознымі праграмамі.
У выставачнай зале вы пабачыце гістарычныя артэфакты, якія ініцыятыва здабыла дзякуючы беларускім мецэнатам: Трэці Статут ВКЛ, Радзівілаўская карта ВКЛ і Карта ВКЛ Яна Няпрэцкага, «Жазло кіравання» Сімяона Полацкага і франкамоўнае выданне «Вялікае майстэрства артылерыі» Казіміра Семяновіча.
У дыскусійнай зале мы паразмаўляем пра беларускасць у 2025 годзе, пазнаёмімся з актыўнасцямі выпускнікоў Летняй школы Мальдзіса і паслухаем музыку. Калі надвор’е дазволіць, частка актыўнасцяў пройдзе на ўнутраным дворыку Музея.
ПРАГРАМА
12:00 — 12:15 — Адкрыццё фестывалю
12:15 — 13:15 — Дыскусія «Каму цікава і нецікава беларускасць сёння?»
Абмяркуем, якой беларускасці хоча грамадства, чаму беларушчына не захапіла масы і як гэта можна змяніць.
Выступоўцы: Рыгор Астапеня, Павел Данэйка, Наста Роўда, Сяргей Будкін
Мадэратарка: Леся Руднік
13:15 — 13:30 — Перапынак у дыскусійнай зале і экскурсія ў выставачнай
13:30 — 15:00 — Актыўнасці выпускнікоў Летняй школы Мальдзіса
Падрабязнасці апублікуем перад самім фестывалем.
Мадэратарка: Дар’я Рублеўская
15:00 — 15:15 — Перапынак у дыскусійнай зале і экскурсія ў выставачнай
15:15 — 16:15 — Серыя кароткіх выступаў
• Аляксандр Чарнуха: Што робіць музыку беларускай? Мова, кантэкст, пазіцыя?
• Цімох Акудовіч: Ці можа «Кніжны магістрат» змяніць беларускае кнігавыдавецтва?
• Павел Мацукевіч: Навошта займацца вяртаннем спадчыны?
Мадэратар: Рыгор Астапеня
16:15 — 16:30 — Перапынак у дыскусійнай зале і экскурсія ў выставачнай
16:30 — 17:15 — Размова пра беларускую ідэнтычнасць са Святланай Курс
Святлана падзеліцца сваімі разважаннямі пра вёску, ідэнтычнасць і сучасныя выклікі беларускай саматоеснасці.
Мадэратар: Аляксандр Івулін
17:15 — 17:30 — Перапынак у дыскусійнай зале і экскурсія ў выставачнай
17:30 — 18:00 — Музычнае завяршэнне Фестывалю, выступ гурта Nochy
18:00 — Завяршальнае слова
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць1
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары