СМІ Паўночнай Карэі выразалі з віншавання Лукашэнкі фразу пра «гатоўнасць наведаць вашу краіну»
Цэнтральнае тэлеграфнае агенцтва Карэі (ЦТАК) толькі 11 верасня размясціла на сайце тэкст віншавальнай тэлеграмы ад Аляксандра Лукашэнкі з нагоды Дня ўтварэння КНДР. Пры гэтым само віншаванне падверглася цэнзуры, звярнуў увагу Reform.news.
Прэс-служба Лукашэнкі апублікавала віншаванне яшчэ 9 верасня. Цэнтральнай часткай стала фраза пра гатоўнасць наведаць КНДР у бліжэйшы час.
«З цеплынёй успамінаю нашу нядаўнюю сустрэчу ў Пекіне. Пацвярджаю гатоўнасць у бліжэйшы зручны для бакоў час наведаць вашу краіну для вываду міждзяржаўных сувязяў на якасна новы ўзровень», — гаварылася ў тэксце тэлеграмы.
ЦТАК размясціла віншаванне толькі сёння і пакуль толькі на карэйскай мове, хаця ў іх ёсць поўнафарматныя англійская і руская версіі сайта. Фразы пра «гатоўнасць наведаць вашу краіну» там не аказалася.
На адцэнзураваны тэкст, які рэтранслявалі іншыя паўночнакарэйскія СМІ, звярнулі ўвагу паўднёвакарэйскія СМІ.
Нагадаем, Лукашэнка і Кім Чэн Ын паразмаўлялі ў кулуарах святочных мерапрыемстваў у Пекіне 3 верасня. Як паведаміла прэс-служба Лукашэнкі, паўночнакарэйскі лідар запрасіў яго наведаць Пхеньян.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары
Але не кожнаму дурню тое дазволена.
разумець трэба.