Добры ўчынак абышоўся 17‑гадоваму хлопцу з камуны Морбад-Харбах у Ніжняй Аўстрыі стратай сур’ёзнай сумы, піша «Беларусь і свет» са спасылкай на noen.at.
Малады чалавек ехаў 7 верасня па дарозе B37 каля горада Гфёль і заўважыў на паркоўцы BMW з двума мужчынамі побач. Тыя паказалі сігнал, што ім патрэбна дапамога. Калі жыхар Харбаха спыніўся, высветлілася, што ў іх у машыне нібыта скончыўся бензін, а на руках засталіся толькі беларускія купюры.
Мужчыны, меркавана румыны, паказалі аўстрыйцу на сваіх смартфонах фота згаданых банкнот і бягучы абменны курс, папрасіўшы абмяняць грошы з вялікай зніжкай. За 4 500 рублёў малады чалавек павінен быў аддаць 870 еўра, хаця па «афіцыйным курсе» яны нібыта каштавалі больш за 1 100 еўра.
Кіроўца з Харбаха зняў грошы ў банкамата і здзейсніў угоду. У выніку, калі ён паспрабаваў абмяняць рублі назад на еўрапейскую валюту, банк праінфармаваў, што атрыманыя купюры ўжо не з’яўляюцца плацежным сродкам.
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў7
Каментары