Лагістычныя кампаніі знайшлі альтэрнатыву закрытай мяжы паміж Польшчай і Беларуссю
Закрыццё польска-беларускай мяжы запатрабавала ад лагістычных кампаній хуткай перастройкі маршрутаў. Некаторыя кампаніі часова сталі выкарыстоўваць схему, звязаную з перавозкай загружаных прычэпаў на чыгуначных пляцоўках, распавялі Most у адной з кампаній-перавозчыкаў.
Таксама такую схему абмяркоўваюць і ў Facebook-групах транспартнікаў.
— Па маршруце руху цягніка ёсць грузавыя тэрміналы. Да такога тэрмінала — у Коўне, Лодзі, Дуйсбургу — пад’яжджае загружаная машына з прычэпам. Адчапляе прычэп, ён грузіцца на спецыяльны вагон — і тавар паехаў на Усход. Чыгуначная мяжа Літва — Беларусь адкрыта і працуе, — распавяла крыніца ў транспартна-лагістычнай кампаніі.
Такі шлях выкарыстоўваюць перадусім кампаніі і грузаадпраўнікі, для якіх важна зэканоміць час. З-за закрыцця польска-беларускай мяжы чэргі фур на іншых мяжах ЕС з Беларуссю і Расіяй выраслі.
— У чыгуначнай пляцоўкі няма рэжыму працы і адпачынку вадзіцеля, няма чаргі на мяжы, — тлумачыць суразмоўца.
Такі шлях дазваляе часова змяніць лагістыку толькі для часткі маршруту, а затым зноў прыцягнуць прычэп да цягача. Акрамя таго, ён пазбаўляе ад складаных арганізацыйных выдаткаў, звязаных з кантэйнернымі перавозкамі: не ўсюды ёсць кантэйнерны тэрмінал, ды і арэнда кантэйнера патрабуе грошай.
Суразмоўца не чуў, каб такі незвычайны шлях актыўна выкарыстоўвалі раней. Але цяпер ён набывае папулярнасць.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць2
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары
Гэтыя платформы будуюцца пад адмысловыя лагістычныя праекты і дзеля шматгадовай стабільнай працы.