Жыхары Заводскага раёна непакояцца з-за масавай гібелі катоў і лічаць, што гэта справа рук скуралупа, пішуць Мінск-навіны.
З пачатку верасня жыхары раёна аўтазавода ў Мінску сталі знаходзіць трупы сваіх хатніх гадаванцаў. Гараджане мяркуюць, што катоў наўмысна забіваюць, прычым з асаблівай жорсткасцю. Пацверджанне таму — распоратыя жываты і вынятыя вантробы.
— Нашы гадаванцы, якія не выходзяць за межы ўласных двароў, становяцца ахвярамі гэтага маньяка. Зламыснік нейкім чынам выманьвае іх, пасля чаго па-зверску забівае, а знявечаныя трупы падкідвае пад платы ці вароты гаспадароў, дадаючы тым самым цынізму да свайго злачынства, — напісалі чытачы.
Са слоў мясцовых жыхароў, выяўлена больш за 10 загінулых жывёл з ідэнтычнымі траўмамі. Каб прыцягнуць увагу да праблемы, уладальнікі паведамляюць пра яе ў праваахоўныя органы і расклейваюць аб'явы па раёне.
Між тым, нельга выключаць і верагоднасць таго, што прадстаўнікі сямейства каціных маглі стаць ахвярамі бадзяжных сабак. Па інфармацыі адміністрацыі Заводскага раёна, прадстаўнікі «Фаўны горада» праводзяць у раёне адпаведныя рэйдавыя мерапрыемствы. На дадзены момант вядома аб адным выпадку адлову.
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары