У 2025 годзе Транспартная інспекцыя правяла 205 кантрольных закупак у сферы аўтамабільных перавозак пасажыраў. У выніку выяўлена амаль 420 правапарушэнняў і канфіскавана 217 транспартных сродкаў, большасць з якіх — аўтамабілі-таксі.
У Транспартнай інспекцыі падвялі вынікі кантрольнай дзейнасці ў гэтым годзе, паведаміла Міністэрства транспарту.
Паводле звестак Міністэрства транспарту, праведзена 205 кантрольных закупак. З іх 201 тычылася легкавых аўтамабіляў, 4 — мікрааўтобусаў.
У выніку праверак было выяўлена 419 адміністрацыйных правапарушэнняў. Галоўныя — ажыццяўленне прадпрымальніцкай дзейнасці без ліцэнзіі або з парушэннем правілаў і ўмоў яе вядзення; вядзенне дзейнасці без дзяржаўнай рэгістрацыі і ліцэнзіі; адсутнасць страхоўкі і тэхагляду, удзел у дарожным руху транспарту з забароненымі няспраўнасцямі, парушэнні вадзіцелямі рэжыму працы і адпачынку, а таксама правілаў перавозкі пасажыраў.
У выніку праведзеных праверак канфіскавана 217 транспартных сродкаў, у тым ліку 194 таксі.
Цяпер чытаюць
Бліжэйшым часам будуць вызвалены больш за 150 палітзняволеных6
Каментары