Расійскі самалёт-выведнік заўважылі над Балтыйскім морам — Германія падымала знішчальнікі
Сілы NATO паднялі на трывогу два знішчальнікі Eurofighter пасля таго, як над Балтыйскім морам быў заўважаны расійскі вайсковы самалёт. Паводле звестак нямецкіх ВПС, ён рухаўся ў міжнароднай паветранай прасторы без плана палёту і без радыёсувязі. Гэта быў расійскі самалёт-выведнік Іл-20М, паведамляе Euronews.
Гэты вінтаматорны самалёт першапачаткова вырабляўся ў Савецкім Саюзе. Дзякуючы доўгаму тэрміну службы Расія працягвае выкарыстоўваць такія апараты для выведкі і збору радыёлакацыйных і радыёсігналаў.
Два перахопнікі Бундэсвера ўзляцелі з авіябазы Расток-Лаге. Паводле звестак ВПС Германіі, расійскі самалёт быў распазнаны з дапамогай так званай сістэмы візуальнай ідэнтыфікацыі.
Краіны NATO неаднаразова фіксавалі неабвешчаныя палёты расійскіх самалётаў над Балтыйскім морам. Расія таксама рэгулярна парушае паветраную прастору альянсу ў іншых рэгіёнах, здзяйсняючы несанкцыянаваныя палёты.
У пятніцу тры расійскія знішчальнікі ўварваліся ў паветраную прастору Эстоніі. На мінулым тыдні расійскія беспілотнікі без дазволу ўвайшлі ў паветраную прастору над Польшчай, а ў ноч на 10 верасня польскія ВПС і іншыя партнёры па NATO ўпершыню збілі некалькі расійскіх БПЛА.
26 жніўня гэтага года два знішчальнікі Eurofighter апазналі Іл-20М над Балтыйскім морам. Раней такі апарат быў заўважаны падчас разведвальнага палёту над Балтыйскім морам у сакавіку.
У большасці выпадкаў расійскія разведвальныя самалёты лётаюць з адключанымі транспондарамі, што азначае, што такая інфармацыя, як маршрут палёту, хуткасць, вышыня і тып самалёта, не перадаецца.
Ціханоўская: Дзеці не пераехалі ў ЗША, а проста часова будуць з татам дзеля бяспекі27
Каментары
У меня вопрос - и раньше самолёты РФ и неопознанные, и беспилотники были замечены в воздушном пространстве разных стран, Польши, и Румынии,в Польше даже беспилотник убил комбайнера. И была информационная тишина. А что сейчас случилось? Не можете сбить тихо без шумихи - вообще молчите.