З пачатку кастрычніка ў Беларусі вырасце кошт харчавання для школьнікаў і выхаванцаў дзіцячых садкоў. Урад зацвердзіў новыя нормы расходаў на харчаванне ў ўстановах адукацыі — яны павялічацца на 5%.
Так, для навучэнцаў 6‑х класаў гарадскіх школ цана абеду пры аднаразовым харчаванні складзе 2,84 рубля ў дзень замест ранейшых 2,70 рубля. За месяц (у разліку на 22 вучэбныя дні) бацькам трэба будзе заплаціць 62,48 рубля замест 59,40, паведамляе «Мінская праўда».
Пры двухразовым харчаванні сума павялічыцца да 4,82 рубля ў дзень (раней — 4,59), што складзе 106,03 рубля ў месяц. У выпадку трохразовага харчавання кошт вырасце з 5,40 да 5,67 рубля ў суткі, а за месяц — з 118,80 да 124,74 рубля.
Таксама зменіцца аплата за харчаванне ў дзіцячых садах. Для дзяцей ва ўзросце ад 3 да 7 гадоў плата складзе 4,95 рубля ў дзень пры 10, 5‑гадзінным знаходжанні і 6 рублёў — пры 12-гадзінным.
Каментары