Віцэ-прэм’ер Расіі Аляксандр Новак прапанаваў істотна павялічыць імпарт беларускага бензіну. У кастрычніку пастаўкі прапануецца давесці да 300 тысяч тон у месяц замест вераснёўскіх 45 тысяч тон. Пра гэта гаворыцца ў звароце Новака да прэм’ер-міністра Міхаіла Мішусціна, з якім азнаёмілася выданне «Коммерсант».
Павелічэнне аб’ёмаў плануецца забяспечыць за кошт бесперабойнай працы сістэмы «Транснафта» і запуску давальніцкай перапрацоўкі нафты. Мэта меры — стабілізаваць унутраны рынак паліва, які з-за атак украінскіх дронаў на расійскія НПЗ сутыкнуўся з падзеннем вытворчасці і дэфіцытам бензіну ў шэрагу рэгіёнаў.
Акрамя павелічэння паставак бензіну з Беларусі Новак прапануе таксама дазволіць на паўгода выкарыстанне монаметыланіліну — прысадкі для павышэння актанавых лікаў, забароненай з 2016 года, а таксама абнуліць імпартныя мыты на пастаўкі бензіну з Кітая, Паўднёвай Карэі і Сінгапура.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары
Як гараць па ўсёй Расеі НПЗ.