Стала вядома, як выглядае Махамед Альдасары — загадкавы новы кіраўнік Прыёрбанка
Прэс-служба выкупленага лукашэнкаўскімі «бізнэсменамі ўдачы» Прыёрбанка апублікавала фота з візіту новага старшыні праўлення Махамеда Абдулы Махамед Алі Альдасары ў стратны калгас, які належыць фінансавай установе. У кампаніі сярод чыноўнікаў Капыльскага райвыканкама можна добра разглядзець чалавека, які прыйшоў на месца знакамітага банкіра Сяргея Касцючэнкі.
«Старшыня праўлення Прыёрбанка Махамед Альдасары сумесна з намеснікамі старшыні праўлення і кіраўнікамі ключавых кірункаў здзейсніў працоўны візіт у філіял «Лакнея» УП ПрыёртрансАгра — адно з даччыных сельскагаспадарчых прадпрыемстваў, якое банк падтрымлівае цягам многіх гадоў. […] У працэсе візіту кіраўнікі ацанілі вынікі, якія прадпрыемства здолела дасягнуць з дапамогай банка, абмеркавалі перспектывы далейшага развіцця, а таксама сустрэліся са старшынёй Капыльскага райвыканкама», — паведамляе сайт Прыёрбанка.
Да таго, у канцы 2024-га, банк цераз эмірацкую пракладку быў прададзены аўстрыйцамі, як лічыцца, блізкаму да Лукашэнкі «бізнэсмену ўдачы» Мікалаю Вараб'ю.
Банк быў прададзены з дысконтам 800 мільёнаў еўра да рэальнай цаны. Дэльта паміж рэальнай цаной і цаной угоды стала прыбыткам набліжаных да Лукашэнкі асоб.
Чытайце падрабязнасці схемы: Купіць мільярд за €230 мільёнаў. Продаж Прыёрбанка азалаціў бізнэсменаў удачы пры Лукашэнку
Біяграфія Махамеда Альдасары цьмяная і недакладная.
Падчас яго прызначэння прэс-служба банка, не прыводзячы ніводнай назвы ці канкрэтнага прыклада адзначыла, што новы кіраўнік мае 26‑гадовы досвед работы ў банкаўскай сферы, што ён быў кіраўніком у вядучых фінансавых установах ААЭ, «займаўся пабудовай новых фінансавых кампаній, рэалізацыяй ініцыятыў лічбавых трансфармацый, распрацоўкай інвавацыйных банкаўскіх прадуктаў».
На сайце Прыёрбанка прызнаюць, што Альдасары не мае фінансавай адукацыі, а з'яўляецца бакалаўрам дзелавога адміністравання ўніверсітэта Атланты (ЗША).
***
Прыёрбанк — самы буйны прыватны банк Беларусі, заснаваны ў 1989 годзе. У 2002 годзе ў капітал банка ўвайшоў аўстрыйскі Райфайзэн. Шматгадовы кіраўнік банка Сяргей Касцючэнка быў затрыманы ў сакавіку 2022-га, асуджаны да 3,5 гадоў калоніі за ўхіленне ад падаткаў. Пасля памілавання эміграваў.
Чытайце падрабязней: Шок у банках: Сяргею Касцючэнку, стваральніку Прыёрбанка, далі тры з паловай гады калоніі. Датычны Баскаў?
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары
Працаваў у камерцыйных банках у Абу-Дабі (Аль-Хілал большасць), займаўся рытэйлам. Мае кампанію ў Шарджы, якая выпускае ісламскія карты, і выглядае як тыповы абменнік. Таксама пару рытэйлавых бізнэсаў кшталту тэлефонных кіёскаў.
Мабыуць залаты тэлефон прадаў таму, хто пракладку ствараў.
Ідэальны зіц-старшыня