Зборная Фарэраў — больш не футбольны карлік. Яны маюць чатыры перамогі ў адборы
У нядзелю зборная Фарэрскіх выспаў у адборы да чэмпіянату свету па футболе дома сенсацыйна вырвала перамогу ў Чэхіі з лікам 2:1.
Дзве траціны гульні былі 0:0, на 67‑й хвіліне фарэрцы адкрылі лік, потым чэхі зраўнялі, але на 81‑й хвіліне Фарэры зноў забілі — 2:1, і апошнія хвіліны гераічна адбіліся.
У чацвер яны на сваім полі разграмілі Чарнагорыю — 4:0. Таксама ў актыве ёсць дзве перамогі над Гібралтарам (2:1: 1:0).
Нават Харватыі зборная Фарэраў прайграла на сваім полі з мінімальным лікам 0:1, і 1:2 у гасцях Чэхіі.
Становішча ў групе: Харватыя — 16 (6 гульняў), Чэхія — 13 (7), Фарэры — 12 (7), Чарнагорыя — 6 (6), Гібралтар — 0 (6).
Зборнай Фарэраў засталося правесці адну гульню, і яны наўрад ці трапяць у пераходныя матчы.
Каманда згуляе на выездзе з Харватыяй, тады як Чэхія дома з зусім слабым Гібралтарам.
Зборная Фарэраў складаецца ў асноўным з футбалістаў, якія гуляюць ва ўнутраным чэмпіянаце. Гродзенскі «Нёман» летам гуляў у трэцім раўндзе кваліфікацыі Лігі канферэнцый з іх «Клаксвікам». У гасцях беларусы прайгралі 0:2, у Венгрыі перамаглі ў асноўны час 2:0 і прайшлі потым па пенальці.
У сусветным рэйтынгу зборная Фарэраў на 136‑м месцы, Чарнагорыя — 80-я, Чэхія — 39-я, а Беларусь — 100-я.
Беларусь прайграла ўсе чатыры гульні ў сваім адборы, праўда, у яе не было супернікаў кшталту Гібралтара.
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Тым больш выклікаюць павагу людзі, якія ў такі час робяць на будучыню, што дазваляюць сілы ды ўменьне. Спыніце ёрніцтва, тут могуць быць толькі словы падтрымкі.