«Паляванне на найбліжэйшага механіка». Марк Рутэ пасмяяўся з Расіі праз паломку яе падводнай лодкі
Генеральны сакратар НАТА Марк Рутэ публічна высмеяў Расію з нагоды паломкі яе падводнай лодкі «Наварасійск», якая нядаўна выплыла на паверхню каля французскіх берагоў, піша «Еўрапейская праўда».
Пра ўсплыццё «Наварасійска» стала вядома на мінулым тыдні дзякуючы паведамленню Аб’яднанага камандавання ВМС НАТА, дзе былі апублікаваныя фатаграфіі, на якіх расійскую субмарыну суправаджае французскі фрэгат.
11 кастрычніка Міністэрства абароны Нідэрландаў паведаміла, што нідэрландскі флот суправаджаў «Наварасійск» і буксір «Якаў Грабельскі» у Паўночным моры, што сведчыць пра тое, што падводная лодка буксіруецца.
Падчас выступлення на мерапрыемстве ў Славеніі Марк Рутэ адкрыта патроліў расійскую «зламаную» лодку.
«Цяпер, па сутнасці, у Міжземным моры амаль не засталося расійскіх вайскова-марскіх сіл. Ёсць толькі адна паламаная расійская падводная лодка, якая крывенькай качачкай плыве дадому з патрулявання», — сказаў Рутэ.
«Вось гэта розніца ў параўнанні з раманам Тома Клэнсі «Паляванне на «Чырвоны Кастрычнік» 1984 года. Сёння гэта больш падобна да палявання на найбліжэйшага механіка», — дадаў ён.
У сваю чаргу, у Чарнаморскім флоце Расіі заявілі, што падводная лодка «Наварасійск» усплыла каля французскіх берагоў, каб выконваць правілы суднаходства ў Ла-Маншы падчас «запланаванага міжфлоцкага транзіту» пасля выканання заданняў у Міжземным моры.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары