У Страсбургу падчас Кангрэсу мясцовых і рэгіянальных улад Рады Еўропы абмяркоўвалі, як уладам іншых краін вырашаць праблемы, што паўсталі праз немагчымасць грамадзян Беларусі атрымліваць новыя пашпарты за мяжой.
Падчас 49‑й сесіі Кангрэсу адбылася панэльная дыскусія з удзелам дэлегацыі дэмакратычных сіл Беларусі (у яе складзе былі прадстаўнікі Каардынацыйнай рады і народных амбасад).
На сустрэчы прэзідэнтка Палаты рэгіёнаў, віцэ-прэзідэнтка Кангрэсу мясцовых і рэгіянальных уладаў Рады Еўропы і дакладчыца па Беларусі Сесілія Далман Эек распавяла, што неабходна рабіць, каб дапамагчы беларускім палітычным мігрантам з пратэрмінаванымі пашпартамі.
Першы крок, які патрэбна зрабіць у гэтым напрамку, на думкі Сесіліі, — гэта зрабіць так, каб улады еўрапейскіх краін перасталі патрабаваць ад беларусаў дакументы, якія тыя не маюць магчымасці прадставіць.
Сесілія таксама казала пра неабходнасць сабраць найлепшыя прыклады таго, як розныя краіны вырашаюць праблемы беларусаў, якія маюць пратэрмінаваныя пашпарты або іншыя дакументы.
На пытанне, як быць беларусам, якіх, напрыклад, у Літве прызналі пагрозай нацыянальнай бяспецы праз тое, што людзі калісьці працавалі на дзяржаўных прадпрыемствах, Сесілія адказала так:
— Я не магу сказаць, як дакладна вырашыць «літоўскую праблему», але хачу адзначыць: у Еўропе змянілася палітычная атмасфера. Гэта адна з галоўных праблем — як грамадства ўспрымае мігрантаў, уцекачоў, людзей, якія вымушана пакінулі радзіму. Іх часта прымаюць за пагрозу, хоць на самай справе яны ўцяклі дзеля бяспекі.
Сільвія адзначае, што добра бачыць гэта на прыкладзе роднай Швецыі.
— Кангрэс [мясцовых і рэгіянальных уладаў Рады Еўропы] працуе над устойлівасцю і ўзаемным даверам. Мы паказваем, што менавіта мясцовая дэмакратыя і супрацоўніцтва паміж людзьмі ствараюць бяспеку, а не рэпрэсіўныя меры. Мне вельмі шкада, што гэта закранае беларусаў, бо менавіта яны — бяспечныя людзі, якія змагаліся за свабоду і дэмакратыю.
Яна прызнала, што Еўропа не была гатовая справіцца з сітуацыяй, калі ў яе цэнтры пануе дыктатар.
— Мы часта кажам: «Ну, нічога нельга зрабіць», — калі гаворка ідзе пра ўнутраную сітуацыю ў Беларусі. Але я думаю, што мы павінны працаваць актыўна. Звярніце ўвагу — больш няма маршаў супраць Лукашэнкі ў Еўропе. Гэта праблема. Мы гаворым пра Венгрыю, Грузію, іншыя краіны, але перасталі гаварыць пра Беларусь. Таму я лічу сваёй задачай — аднавіць гэтую размову. Бо мэта заўсёды адна — вярнуць Беларусь у Еўропу: у Раду Еўропы, у Кангрэс, у еўрапейскую сям’ю.
Грамадзяне з літоўскім ВНЖ могуць праехаць праз «Каменны Лог» толькі ў бок Літвы
З'явіўся рэйтынг самых моцных і самых слабых сусветных пашпартоў. Беларускі ў сярэдзіне
«Мы з памежнікам сустрэліся позіркамі, і ён па рацыі перадаў: «Яна ідзе» — Ірына Слаўнікава расказала пра свой драматычны арышт
Беларуска з сынам у Францыі засталася без дазволу на жыхарства. Яна просіць падтрымкі, каб не апынуцца на вуліцы
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары