Расійскі ўрад прапанаваў перагледзець правілы легалізацыі расіян у Беларусі
Беларусь і Расія плануюць скараціць тэрмін разгляду заяў на пастаяннае пражыванне для грамадзян дзвюх краін — з трох месяцаў да двух. Такую прапанову расійскі ўрад накіраваў Уладзіміру Пуціну. Для гэтага хочуць змяніць пагадненне паміж Мінскам і Масквой аб свабодзе перамяшчэння грамадзян, якое дзейнічае з 2006 года, паведамляе ТАСС.
Акрамя скарачэння тэрмінаў, плануюць удакладніць і правілы знаходжання ў краіне без рэгістрацыі. Як і раней, беларусы і расіяне змогуць знаходзіцца на тэрыторыі іншай краіны без рэгістрацыі да 90 дзён. Але калі чалавек хоча застацца на большы тэрмін, яму трэба будзе аформіць рэгістрацыю ў адпаведных органах.
Апошнія змены ў гэтае пагадненне ўносіліся яшчэ ў 2015 годзе.
Грамадзяне Расіі цяпер працягваюць актыўна купляць нерухомасць у Беларусі. Напрыклад, у сакавіку 2026 года расіяне набылі ў Мінску 126 аб’ектаў нерухомасці — не толькі кватэры, але і дамы, гаражы, машынамесцы і камерцыйныя памяшканні.
Усяго за той месяц у сталіцы было прададзена больш за 3,5 тысячы аб’ектаў нерухомасці, і каля 3,6% пакупак прыпала на грамадзян Расіі.
«Я заўсёды быў праўкраінскім чалавекам». Беларус амаль 20 гадоў працаваў у Маскве — вось што з ім адбылося пасля 2022‑га
«Умовы амаль казачныя». Праграміст не знайшоў працу і паехаў у Маскву (пакуль расіяне мараць пра Мінск)
Расіяне сталі пераводзіць акаўнты смартфонаў на Беларусь
Расіянка апублікавала ў Threads рэцэпт «самых смачных» беларускіх дранікаў. Беларусы ў шоку
Беларусь штогод наведваюць каля 5 мільёнаў турыстаў з Расіі
Каментары